par nostre argent mesme, & qu’il ne pouuoit estre esleué
que sur nos ruines.

En effet, qu’elle apparẽce y auroit-il qu’vn homme qui vouloit
oster au premier & au plus auguste de nos Parlemens, l’ancienneté
de ses priuileges, l’authorité de ses loix, & toutes les marques
de sa grandeur, deut auoir en suitte du respect & de l’amour
pour les autres, qu’il laissast subsister vn corps dont il retranchoit
le cœur & la teste, & qu’il ne tarit pas les ruisseaux
apres auoir epuisé la source.

Il est de l’authorité du Roy comme de la lumiere du Soleil qui
se reprend doucement par tout, & qui ne fait de mal qu’a ceux
qui n’en peuuent souffrir l’éclat, & de l’authorité des fauoris
comme de la Lune qui n’esclaire qu’autant qu’elle est esclairé.
Mais quand les fauoris ne sont pas contenté du pouuoir qu’on
leur communique, qu’ils veulẽt retenir e qu’on ne fait que leur
prester, qu’il violent & qu’ils profanent ce qu’on leur confie,
& qu’il vsurpent le droit qu’on ne leur peut accorder, il y va de
la conscience des Magistrats, & de la generosité des peuples de
remedier à l’insolence de ces tyrans, & d’arrester des hommes
qui courent quand ils doiuent simplement marcher. Quelques
indifferentes ou quelques obscures que puissent estre les loix
dans les Estats, il y en a tousious quelqu’vne qui s’oppose diuertement
à la violence des Souuerains ; pour ce que la Religion qui
s’y exerçe, explique ce qu’vn Prince doit éuiter, & ce qu’il doit
suiure. Quelle difference y auroit-il entre l’vsurpation & la souueraineté
legitime, entre les tyrans & les Roys, entre les sujets &
les esclaues. Depuis quand les Souuerains qui sont appellez les
Pasteurs du peuple, en doiuent-ils estre les bouchers, & qu’elle
est la loy qui nous dispẽse de toutes les autres ? S’il est vray qu’vn
Roy soit dans son Estat, ce qu’est vn Pere dans sa famille, & que
les peuples soient aux Roys ce que les enfans sont aux peres ; estil
pas croyable que l’Escriture qui deffend aux peres d’irriter
ceux qui leurs sont redeuables de la vie, fait la mesme deffence
aux Roys au regard de ceux qui leur doiuẽt de l’obeyssance. La
Philosophie a-t’elle mis iamais la barbarie au rang des vertus
Morales ? La Politique a-t’elle fait vne iustice de la rage ? Et la