nous instruit parfaittement bien, des affaires
Politiques, ou les membres d’vn Estat, ne regardent
principalement qu’à la conseruation de
leur chef, qui n’est autre que le Roy, ou le Prince,
pour qui tout l’Estat s’interesse librement, &
expose sa vie, & son honneur, pour conseruer
son Monarque ; en quoy les subjets font vn acte
de Iustice, & imitent la maitresse nature, qui mõtre
combien volontiers, elle engage le Salut des
particuliers, pour celuy du General, & qu’il faut
faire seruir les membres de moindre consequence,
pour conseruer la teste, comme la principale
partie du corps organizé.

La nature
nous enseigne
l’estime qu’il
faut faire
de la Sacrée
Personne
des Roys.

C’est la gloire d’vne Monarchie, de posseder
vn Prince accompli de tout poinct ; vn Estat s’estime
bien obligé à Dieu, de luy auoir fourni vn
Roy tres-parfait en sa condition ; d’où vient que
les Payens tenoient les Republiques heureuses,
quand les Souuerains Philosophoient, ou que
les Philosophes Gouuernoient ; parce que la sagesse
des Princes, se communique insensiblement
aux Peuples, & que les sujects contractent
toutes les bonnes, & les mauuaises qualités des
Gouuerneurs. Les François montrent bien par
leurs vœux, par leurs prieres, & par leurs desirs,
qu’ils s’interessent grandement, dans les Royales
vertus de LOVYS XIV. Et d’autre-part i’ay
tant de confiance en la Diuine bonté, qu’elle se
rendra fauorable à des souhaits si iustes, & si