& qu’ils s’immolent à l’eclat d’vne gloire
trompeuse.

L’Atheisme est vn crime si énorme, qu’il s’éleue
directement comme le Souuerain, & s’efforce
de rauir l’honneur deu à l’infinie Maiesté de
Dieu ; vn Roy Athée est vn monstre de nature,
l’abomination de desolation, placée dans le lieu
le plus Sacré du monde, l’obiect de la Diuine Iustice,
& le fleau des peuples. Ie remarque pourtant
que ce mal-heureux crime, en attire plusieurs
autres, & que les Souuerains tombés dans
l’Atheïsme, persecutent les seruiteurs du Dieu viuant,
& employent tout leur pouuoir à esteindre
le culte de la veritable Religion.

Vn ieune
Prince tõbé
dans
l’Atheisme,
declare la
guerre à la
vertu.

De quelles cruautés se seruit Pharaon, pour
destourner le peuple d’Israël, des vœux qu’il desiroit
rendre à la Diuine Maiesté ? a t-on iamais
entendu parler d’vne obstination pareille à la
sienne ? puis qu’il desauoüe son Createur, ayant
veu des signes tres-manifestes de sa grandeur ? le
Roy Achab ne chercha-il pas tous les moyens
possibles de faire mourir les Prophetes, particulierement
Elie, le plus affectionné au seruice de
Dieu ? Ne sçait-on pas le massacre vniuersel, qui
se fit en Ierusalem du temps de l’Impie Antiochus,
qui iura la ruine, & la destruction du Temple
de Dieu, & fit piller les Vases Sacrés, les ornemens
Sacerdotaux, & tout ce que les Prestres
conseruoient au sanctuaire ? Est-il necessaire de