L’on ne sçait pas ce que tu fis d’extraordinaire
en France : mais celuy qui en
estoit le premier Ministre d’Estat, fit au nom
de son Maistre, solliciter derechef le Cardinalat
pour toy, auec de plus puissantes brigues
que iamais. Le Pape n’osant pas desobliger
vn Monarque, qui auoit nouuellement
fait tant de merueilles pour luy, se ressouuenant
d’ailleurs de la bonne vie, de laquelle
tout Rome auoit esté asseuré que tu viuois,
& pensant que c’estoit pieusement faire que
de mettre au rang des Apostres vn grand pecheur
conuerty, se resolut au moyen de toutes
les considerations qu’il auoit euës, de te
nommer pour Cardinal ; ce qui fut fait, sans
que personne s’en réjouïst guere, comme si
par là quelque secrette puissance eust voulu
tesmoigner que tu estois indigne de cét honneur.

A peu de temps de là, Rome fut bien détrompée,
& tes mauuaises mœurs cõtinuans
lenr deprauité accoustumée, firent sçauoir
à toute la terte, qu’il est bien difficile qu’vn
meschant, obstiné en son peché, se conuertisse.
Ainsi sçauans de tes brigandages, de tes inhumanitez
enuers les subjets de ton Maistre,