Apres que Monsieur le Prince eut remporté
à son depart de la Bergerie les aduantages
que vous auez sçeu, & qui ont esté
plus grands qu’on n’auoit pas creu d’abord,
parce qu’vne partie des vaincus auoit pris
party dans l’Armée de Son Altesse : Il alla
passer la Riuiere à Taillebourg le vingt cinquiéme
du mois passé, & de là s’aduança
jusques à S. Sauinien, pour attirer par sa
presence Monsieur d’Harcour au combat,
ou pour luy en faciliter les occasions, s’il en
auoit tant d’enuie, comme il auoit publié,
Mais ceux qui auoient témoigné tant de feu
tandis qu’il y auoit vne Riuiere entre l’Armée
de Son Altesse & la leur, & des desfilez
à passer, qui rendoient vne bataille presque
impossible ; oublierent leur premiere resolution,
quand ils virent paroistre ses troupes,
& quand ils eurent de plus grandes
commoditez de combattre. Monsieur le
Prince poussa d’abord quelques Corps de
Garde des Ennemis qui estoient des plus aduancez,
afin qu’ils allassent aduertir leur
General que l’armée n’estoit pas esloignée.

Toutes ces genereuses semonces ont esté
inutiles iusques à cette heure : & soit que le
froid de la saison aye rallenti l’ardeur du
courage des Ennemis : soit qu’ils ne se sentent