[retour à un affichage normal]

Mazarinade n° B_19_23

Image de la page

Anonyme [1650 [?]], LE REVEILLE-MATIN DE LA FRONDE ROYALLE, SVR LA HONTEVSE PAIX de Bourdeaux. , françaisRéférence RIM : M0_3537. Cote locale : B_19_23.

Deputez y entroient, pour leur ceder la place, qu’ils
ont iugé qu’il ne pouuoit occuper qu’à la confusion de
tout le Royaume.
 
Aprés qu’on à veule Cardinal estre traité si ignominieusement,
sera on bien si lasche dans Paris, que de se soubsmettre
encore aux ordres d’vn homme, qui vient d’estre
la risée d’vne populace bien inferieure en nombre à celle
du plus petit Faux-bourg de cette ville ? Les Princes,
Ducs & Pairs, Mareschaux de France, & autres Officiers
de la Couronne le recognoistront ils apres que le Parlement
de Bourdeaux l’a tant mesprisé ? Celuy de Paris, ne
le mesprisera il pas, puis que le Presidial de Bourdeaux ne
l’a daigné regarder, enfin les Protecteurs du peuple Messieurs
de Beaufort & Coadiuteur pourront-ils voir encore
la sansuë du sang des pauures sans auoir de l’aduersion
pour ce mesme Tyran, qui tasche de les destacher
par presens, par caresses, & par charges des interests du public,
pour les attacher vn iour au ioug d’vne captiuité
perpetuelle, quand il verra l’occasion propre à l’execution
d’vne telle entreprise ? Non, non, ces Messieurs se
doiuent faire valoir dans cette ferme resolution, puis que
tout le monde le souhaite tant qu’vn chacun s’attend luy
voir porter vn tel coup de Fronde, qu’il n en releuera iamais.
C’est cette Fronde dis-ie, qui doit releuer la Royauté
abbatuë par la faction des Mazarins, qui l’ont reduitte à
vne telle extremité, qu’il est impossible de reparer vn si
grand mal, que par l’vnion fraternelle des suiets du Roy,
qui doit premierement estre cymatée sur celle de tous les
Princes, dont la pierre fondamentalle se trouuera dans la
liberté des prisonniers ioints auec les Frondeurs, pour destruire
la source venimeuse de tous les troubles qui sont en
France, d’où prouiendra le meilleur seruice qu’on puisse
iamais rendre au Roy, puis que de cette intelligence despend