[retour à un affichage normal]

Mazarinade n° A_7_45

Image de la page

Anonyme [1649], LE SECOND THEOLOGIEN D’ESTAT, A MESSIEVRS LES GENERAVX. , français, latinRéférence RIM : M0_3770. Cote locale : A_7_45.

& à ses adherãs par vne gresle inopinée de coups,
la force de vos armes par la pesanteur de bras,
que s’il n’a plus rien à desirer, il doit auoir tout
à craindre puis qu’elles ne resonnent que pour
mieux conspirer sa ruine, que vos courages ne
s’étendent plus qu’à son extermination puis que
sa presence est la seule cause de tant de sacrileges,
que vos pensées ne se bornent qu’en son
éloignement puis que tant d’Eglises ont esté profanées
pour son seul sujet & que tant de sainctes
ames ont esté immolée pour satisfaires à sa
cruelle vengeance. Tout ce peuple n’attend que
vostre resolution, resolu qu’il est d’imiter plutost
ceux d’Araspe que de luy permettre dauantage
la continuation de tant d’inhumanitez, sa
vie luy seroit doresnavant indifferente s’il la
voyoit encor y estre exposée, & il la mettroit
plustost parmy les plus éminens dangers, que
d’estre plus suiet à celui de perdre sa liberté. Tant
plus les corps ont de lumieres, tant plus aussi
doiuent-ils auoir de fauorables influences pour
les obiets qui en sont capables : & ce peuple
qui n’est à present qu’entre la liberté & l’esclauage,
attend la derniere de vostre illustre naissance,
secondée de vostre generosité : toutes les actions
de son ennemy ont esté semblables à ces estoilles
mal-heureuses qui ne peuuent exercer aucune
vertu, parce que leur nature les a mises