[retour à un affichage normal]

Mazarinade n° B_6_5

Image de la page

Anonyme [1651], LE TRIOMPHE DE L’INNOCENCE MANIFESTÉ Par la destruction des impostures & faux bruits qu’ont semé les Partisans du Cardinal Mazarin contre l’integrité de Monseigneur LE PRINCE. Auec les foibles raisons par lesquelles ils taschoient de déguiser leur médisance, pour rendre sa conduite odieuse & suspecte, que l’Autheur monstre ne pouuoir subsister, sans que ce Prince eut manqué contre toute sorte de bonne maxime. , françaisRéférence RIM : M0_3873. Cote locale : B_6_5.

banissement honteux d’vne retraite trop heureuse
pour vn perturbateur de l’Estat, & d’vn criminel
de leze Majesté. Il y auoit lieu de le priuer
des grands Benefices qu’il y possede par des
voyes qui l’en rendent indigne : Aussi n’est-il pas
raisonnable qu’on le souffre ioüir des biens-faits
d’vn Royaume, duquel il a si mal merité, &
qu’on luy permette de cueillir les fruits de l’arbre
qu’il a renuersé. Il estoit a propos d’en rendre
vne partie à ceux qu’il en auoit dépoüillé, leur
vendant les faueurs du Roy, & ne laschant point
d’Euesché qu’il n’en profitast de quelque Abbaye.
Il estoit necessaire pour ses interests &
pour le bien de tout le monde, d’arracher du
Conseil & des premieres charges les supposts de
l’ennemy cõmun, & les instrumens de sa violẽce
qui ne s’en prenoit plus aux particuliers depuis
les barricades, mais aux Villes & aux Prouinces
entieres, & vendoit à l’ennemy vne partie du
Royaume pour en conquester l’autre. On voit
cependant que Monsieur le Prince a témoigné
pour tout cela, vne insensibilité plus grande que
celle des personnes indifferentes, quoy que la
nature ne semble l’auoir animé de la generosité,
qui fait la meilleure moitié de luy-mesme, que
pour empescher cette apathie, ny sa naissance
luy auoir donné le sang de premier Prince, que
pour l’opposer à ce rusé qui tiroit de nostre facilité