[retour à un affichage normal]

Mazarinade n° E_1_86

Image de la page

Anonyme [1652], LES VERITABLES MAXIMES DV GOVVERNEMENT DE LA FRANCE, IVSTIFIÉES PAR L’ORDRE des temps, depuis l’establissement de la Monarchie iusques à present : Seruant de Response au pretendu Arrest de cassation du Conseil du 18. Ianvier 1652. DEDIÉ A SON ALTESSE ROYALE , français, latinRéférence RIM : M0_3969. Cote locale : E_1_86.

D’où vient donc, dira quelqu’vn, que le Conseil d’Estat est Iuge des
Reglements, qu’il decide bien souuent les contestations qui sont entre
les Parlements.
La response est bien facile. C’est que les Parlements ayant esté multipliez
par la suitte des temps, il a bien fallu vn tiers pour les iuger dans
les differends qu’ils peuuent auoir les vns auec les autres. Le Grand
Conseil auoit esté autre-fois estably pour cela, le Conseil l’a vsurpé,
comme beaucoup d’autres choses : Mais ce n’est point vne marque de
superiorité, les parties sont bien souuent de meilleure condition que
les arbitres.
On sçait aussi que ces Reglements ne regardent iamais les affaires publiques,
ce sont matieres qui ne regardent que les particuliers, qui n’est
pas le plus noble employ du Parlement. I’ay monstré que ce n’estoit
qu’vn accessoire, lors qu’il se fit sedentaire, au lieu que nos derniers
Ministres, qui ont voulu tout corrompre, & que i’appelle plustost des
flateurs & des lasches courtisans que des Ministres, ont esté assez hardis
de dire souuentefois, que c’estoit leur principale occupation, &
mesme que le Parlement n’auoit esté fait que pour cela.
MAIS CE QVE IE TROVVE DE PLVS ESTRANGE, c’est
que l’Arrest pretendu de cassation, qui a donné subjet à ce discours, fait
injure au Roy mesme, & à la Monarchie toute entiere.
Premierement, on fait dire au Roy qu’il a fait reuenir le Cardinal en
France, à cause d’vne armée qu’il a leuée à ses despens : ce pretexte est-il
supportable. Le Cardinal Mazarin a leué vne armée à ses propres despens.
Le Cardinal Mazarin a reduit la France par son Ministere à ne
pouuoir se sauuer que par ses forces & par son secours. Nous n’auons
plus d’Alliez que luy, ce grand Estat n’est plus appuyé que sur cette
colonne, il tomboit sans luy & sans le credit de ses amis.
Est-il possible qu’il y ayt eu des François, qui ayent esté assez extrauagants,
qui ayent esté assez injurieux à la Nation, & à eux-mesmes, de
faire parler le Roy de la façon.
Ne sçait-on pas qui est le Mazarin, qu’il est de la lie du peuple dans
sa naissance, que ses mœurs ont tousiours fait scandale, que sa premiere
fortune a esté d’estre vn des derniers Domestiques des Barberins,
porteur de pacquets & de lettres : qu’il a seruy long-temps de Bouffon
au deffunct Cardinal de Richelieu : que ce qu’il a de biens il les doit au
pillage qu’il a fait en France, à ses Pirateries & à ses Brigandages : que
pendant son absence, lors qu’il estoit sur nostre frontiere attendant le
rappel de son bannissement contre toutes les Loix & les formes du
Royaume : on luy a enuoyé encore ce qu’il y auoit de plus net dans les