[retour à un affichage normal]

Mazarinade n° B_19_26

Image de la page

Anonyme [1652], L’ENDORMY RESVEILLÉ s’addressant AV GRAND FRONDEVR DES-INTERRESSÉ. , françaisRéférence RIM : M0_1215. Cote locale : B_19_26.

pouuoir sur nos vies & sur nos biens, & en auroit reserué
le rendre compte a sa Iustice : Cette haute obeyssance,
passeroit en estonnement a ceux d’apres
nous, nos defcendans ne s’en ressouuiendroient jamais
qu’auec des larmes. Et les Estrangers calomnieroient
moins nostre vertu, qu’ils ne deploreroient
nostre infortune. Mais qu’vn homme qui n’a de
pouuoir, que ce que nous luy en auons voulu donner,
qui ne tient ce qu’il tient que de nous : Que
cét hõme nous arrache iusques au cœur chez nous,
qu’il nous l’arrache & que nous le souffrions : Ah !
c’est ce qui se trouue si peu imaginable, qu’il faut,
ou auoir du tout perdu le sens ou necessairement se
confesser les plus intimidez des hommes pour le
permettre, Quoy donc, François, quand il ny auroit
point d’autre subiet que l’insolence d’vn homme
que nous auons éleué qui nous fait la loy : quand il
n’y en en auroit point d’autre que celuy d’estre tenus
timides, pourrions nous retenir nostre courage,
où auons nous les yeux ? vn impudent nous dira vn
mot, & nous voylà chocquez, & nous voilà aussi tost
audanger de nostre vie pour nous vanger de son impudence :
Et pour sauuer nos biens, & nostre honneur,
& nostre renom, & nos vies mesmes & nos enfans
& celles de nos femmes le tout que nous auons de
plus cher au monde nous craindrons de nous mettre
au simple danger de mourir, car vous voyez fort
bien qu’il n’est pas mesme en nostre possible de les
en exempter de ce costé là, desia la plus part qui
n’ont pas plus resister à tant d’impositions qu’on
leur demande. ont laissé a l’abandon leurs maisons,
& se sont exilés de la cognoissance de leurs amis
pour s’en aller à la mercy des pays incognus auec
leurs familles : Imaginez vous que peut deuenir
alors vn homme qui se voit tout perdu : qui ne sçait