[retour à un affichage normal]

Mazarinade n° C_7_79

Image de la page

Anonyme [1649], L’ESPERANCE DE LA PAIX, ET DE L’ABONDANCE DES VIVRES A PARIS. , françaisRéférence RIM : M0_1276. Cote locale : C_7_79.

comme pour chastiment que Dieu leur enuoye
quelquefois pour esprouuer leur patience,
quelquefois pour leur faire faire difference du
bien & du mal. Mais tousiours pour les aduertir
de tourner les yeux vers le Ciel pour implorer les
benedictions de Dieu qu’il départ à ceux qu’il aime.
Enfin nous voyons que la prouidence de
Dieu qui nous conserue depuis deux mois de desordre,
n’auoit leué son bras que pour nous aduertir
qu’il falloit auoir recours à luy en nos tribulations :
C’est luy qui de son Trône flechit les
cœurs des Roys & des Reynes : c’est luy qui d’autre
fois tira l’eau d’vn rocher qui fendit les eaux<lb/> de la mer Rouge qui deffit l’armée de Pharaon, &
qui nourrit dans le desert son peuple esleu du pain
des Anges de cette manne admirable qui tomboit
sur leurs testes comme sur nos toicts la rosée.
Enfin nous auons esperance en ce temps que ses
bras ne sont point plus cours qu’au temps de nos
freres, nous auons veu cette grande ville entourée
de multitude de gens de guerre pour nous affamer,
nous auons veu vne grande Reyne animée
sans succés contre vn monde d’innocens des Princes
liez à la protection d’vn estranger employez
à venger vne offence imaginaire. Toutefois cõme
si tout d’vn coup Dieu auoit dissipé ce nuage au
mesme temps qu’on venoit nous declarer la guerre
par vn Heros, le Parlement par sa prudence admirable