[retour à un affichage normal]

Mazarinade n° B_1_15

Image de la page

Anonyme [1652], L’ESTONNEMENT DE LA COVR, DE L’ESPRIT QVI VA DE NVICT. , français, latinRéférence RIM : M0_1306. Cote locale : B_1_15.

vltima claustro, sa derniere Couronne sera dans
vn Conuent ou Cloistre, quand vous auiez vn
Henry le Grand, duquel la dextre estoit redoutée,
aussi bien loing que pres par ses genereux exploits
d’armes, & qui vous faisoit taire & trembler
de son seul regard, plain d’admirable Majesté,
vous ne vous osiez opposer à luy ; Car il rangeoit
tout au pied du deuoir : mais secrettement,
par ruse damnable auez bien sçeu trouuer le
moyen de ne l’auoir plus, & le voir tuër dans sa
ville de Paris. Ha ! bestes noires infernales.
 
O Seigneur Dieu, où sont vos foudres pour
exterminer ces ames desloyales, qui ont noyé la
pauure France de pleurs pour la perte d’vn tel
Roy incomparable. Auez vous maintenant vn
Roy ieune dans ? mais desia aagé en sagesse, vous
calculez, vous glosez, vous syndiquez vous controolez
la force de son bras, la puissance absoluë
de son sceptre, ses volonté, & ses actions ? mais ie
vous demande s’il estoit permis à chacun son caprice,
d’oser reformer & borner les actions de
Roy, on ne verroit que mescontentemens, que
guerres & monopoles : s’il estoit permis à chacun
d’Aristarquer les volontés & plaisir du Roy, que
seroit ce ? luy qui peut commander absolument,
sera il suiet à Censure, & vous dirés encor, il donne
tout à ces trois, il donneroit volontiers à l’vn
sa Couronne, à l’autre son sceptre, & à l’autre son