[retour à un affichage normal]

Mazarinade n° B_17_22

Image de la page

Anonyme [1652], L’INTERPRETE DV CARACTERE DV ROYALISTE, Monstrant à Agathon quelle a esté la conduitte de Monseigneur Seguier, Chancelier de France, dans tous ces emplois. , françaisRéférence RIM : M0_1722. Cote locale : B_17_22.

qu’il a scelle ce nombre infiny de Comptans,
qu’il a signé & authorisé toutes les expeditions
faites pour la leuee & distribution des Finances,
& à qui encor en peut-on demander la restitution
plus raisonnablement qu’à luy, puis
qu’il est nottoire qu’il s’est enrichi dans cette
administration de plus de seize cens mil liures
de rente, c’est pourquoy le Roy ne pouuoit
commencer son nouueau Reigne par vn acte
plus iuste que celuy qu’il fist des le l’endemain
de la Declaration de sa Majorité, en le destituant
de son exercice, cela luy a fait voir & à
tout le monde, que sa Majesté ne vouloit pas
approuuer sa conduite passee, comme elle eust
semblé le faire si elle l’eust continué dans son
employ.
 
Comme il n’a peu se porter par aucune raison
à la recherche de celuy où il est maintenãt ;
il est fort croyable qu’il y a esté poussê par le
desespoir & par les continuelles terreurs que sa
conscience luy donne de la Iustice du Roy,
pour la punition de ses crimes, & la restitution
des biẽs qu’il a vollez à sa Maiestè, & au public.
Il a esté assez insencé pour se persuader qu’il
pouuoit s’en mêtre à couuert par la protection
du party qu’il a pris : mais cõme il n y a rien de
plus ordinaire aux grãds du mõde, que de hayr
les traistres, dont ils ayment la trahizon autant