[retour à un affichage normal]

Mazarinade n° B_14_41

Image de la page

Anonyme [1650], RESPONSE AV LIBELLE INTITVLÉ BONS ADVIS, SVR PLVSIEVRS MAVVAIS ADVIS. , françaisRéférence RIM : M0_3377. Cote locale : B_14_41.

Venise ? Non ; car ce grand homme l’appella publiquement
monstrum horrendum ex mendatiis & imposturis compactum,
vn monstre horrible composé de mensonges & d’impostures.
Veut-il en croire Messieurs les Estats ? Encore moins,
il en fut trop indignement traitté, lors que perdant le
respect pour son éloquence manuscrite, ils luy dirent en
face à la Haye que sans la consideration du Roy qu’il auoit
l’honneur de seruir, il feroit brusler ses escrits insolents
par la main d’vn bourreau, & lors qu’il leur voulut persuader
de continuer la guerre en les assurant sur sa parole, &
sur son honneur que nous ne la terminerions iamais qu’ils
ne fussent pleinement satisfaits ; ils luy respondirent, que
la parole & l’honneur d’vn homme comme luy, estoient de
beaux garents pour engager leur Republique, & se seruant
d’vn prouerbe de leur païs, luy dirent qu’vn Seruient desauoüé,
seroit comme vn poux tombé dans la cendre. Et puis durant
cette negociation si judicieuse dans laquelle il fit des extrauagances
si grãdes, que Madame la Princesse d’Orange luy
fit direque sans le respect du Caractere qu’il auoit, elle le feroit
jetter par les fenestres. Messieurs Cnut & PaW, deux
des Ambassadeurs de Messieurs les Estats, découurirent
quelque petite diuersion qu’il auoit fait à la banque d’Amsterdam
(quelque iour ce passage sera plus clairement expliqué
aussi bien que le reste de sa conduite.) Voudroit-il bien
en croire les Deputez de toutes les Villes Anseatyques ?
Non, car il n’a plus de confiance en ces Messieurs-là, apres
auoir esté obligé de leur faire vne reparation publique pour
vne lettre iniurieuse qu’il auoit escrite contre eux. Enfin à
qui s’en raportera-t’il ce Plenipotentiaire si bien intentionné ?
à son cher maistre le Cardinal Mazarin, dont il a si
bien secondé les intentions à Munster, & depuis dans Paris
en le fortifiant de ses conseils violents, lors qu’il a voulu
attenter sur la liberté de Monsieur le Prince, en composant
cette belle lettre qui fut enuoyée au Parlement pour
en colorer la detention, en se declarant ennemy de la maison
de Condé. En sollicitant publiquement contre Madame