[retour à un affichage normal]

Mazarinade n° B_17_31

Image de la page

Anonyme [1652 [?]], SECONDE PARTIE DV POLITIQVE VNIVERSEL, OV BRIEVE ET ABSOLVE DECISION de toutes les questions d’Estat les plus importantes. SCAVOIR EST, VIII. S’il y doit auoir vn premier Ministre d’Estat. IX. Si tous les Ministres d’Estat ne doiuent pas auoir vne égale puissance. X. Si les Princes, l’Estat, & les peuples peuuent estre pis ou mieux, dans cette egalité de Mnistres (sic). XI. Si l’on doit receuoir vn estranger dans le Ministere. XII. Si l’on doit souffrir qu’vn seul Ministre gouuerne tous les affaires de France. , françaisRéférence RIM : M0_2818. Cote locale : B_17_31.

venir là, on n’en feroit pas moins à Mazarin
son Compatriote. Les resolutions se doiuent
accommoder à la necessité du temps, & il n’y a
rien tel que de se mettre à couuert des malheurs
dont on nous veut accabler, deuant que
la violence de la tempeste nous entraine.
 
François Guichardin dit en son Histoire,
qu’vn malade ne doit pas estre traité par vn Medecin
auquel il n’a point de creance : ainsi vn
Estat ne doit pas estre gouuerné par vn Ministre
suspect, estranger, & odieux à tous les peuples
de France. tous les pays estrangers sont
indiferens à vn estranger, si quelque grande
fortune ne i’y attache ; c’est pourquoy il ne
sçauroit iamais estre bien affectionné pour vne
[1 mot ill.] estrangere. Il a tousiours plus d’amour
pour sa patrie que pour celle d’vn autre. Il faudroit
estre ennemi mortel du pays où nous
sommes nés, pour n’auoir pas ce sentiment. Et
si nous deuons beaucoup à tout ce qui a contribué
quelque chose du sien en la formation
de l’estre que nous possedons, le pays où nous
naissons, est le plus ancien & le plus priuilegié
de tous les creanciers que nous ayons en ce
monde ; & en cas de concurrence, le droit veut
que tous les autres luy cedent la preeminence.
Ainsi à cause de cette passion que cet estranger
a beaucoup plus pour sa patrie que pour celle