Mazarinade n° D_1_6
Image de la page
Baltasard, Christophle [1645], TRAITTÉ DES VSVRPATIONS DES ROYS D’ESPAGNE, SVR LA COVRONNE DE FRANCE, Depuis le Regne de Charles huictiesme. ENSEMBLE VN DISCOVRS SVR LE COMMENCEMENT, progrez, declin, & démembrement de la Monarchie Françoise, droicts, & pretentions des Roys Tres-Chrestiens sur l’Empire. AVGMENTÉ D’VN SOMMAIRE DES DROICTS de ceste Couronne, sur les Comtez de Bourgongne, Cambray, Haynault, de Genes & Luxembourg. ET LES VICTOIRES ET CONQVESTES DES ROYS LOVIS XIII. dit le IVSTE, & de LOVIS XIV. dit DIEV-DONNÉ, sur les Espagnols, & les Austrichiens, en Italie, Alsace, Flandres, Luxembourg, & Comté de Bourgongne, Catalogne & Roussillon. Par C. BALTASARD. , françaisRéférence RIM : Mx. Cote locale : D_1_6.
moins le Pape Iean, & les grands d’Italie, adiugerent l’Empire à la Couronne
de France. Charles fit tout ce qu’il peust pour conseruer ce beau tiltre
à sa posterité, ayant pour suspecte l’ambition de son frere, & l’inconstance
des Italiens. Et preuoyant qu’au premier degoust de la domination
Françoise, ils voudroient disposer de l’Empire, comme subjet à leur Eslection,
Il pratique la Noblesse Italienne, entr’autres, Guy, & Beranger,
dont il fait l’vn Duc de Spolette, & l’autre de Beneuent ; Il donne en mariage
Ermingarde, sa niepce, à Bozon, Prince valeureux, & le crée Duc
de Pauie : Il caresse, il cherit, il oblige toutes personnes de consideration,
& sur tous, le Pape Iean, l’authorité duquel luy pouuoit beaucoup seruir
pour la conseruation de son nouuel acquest, & la seureté de ses affaires par
toute l’Europe : Mais c’estoit conceuoir des montagnes pour enfanter des
souris : Car Charles estant decedé auant qu’il pût faire vn fondement solide ;
Et Louis III. son fils, surnommé le Begue, Prince peu habile au
Gouuernement de l’Estat, n’ayant regné que deux ans, & ayant laissé
l’Estat diuisé en diuerses factions ; les Princes Allemans esleuerent à l’Empire
Charles le Gros fils de Louis, Roy de Germanie : Et quelque temps
apres, souz pretexte qu’il estoit deuenu pesant, & incapable de grande
action, ils luy subrogerent, auant qu’il mourut, Arnoul, Bastard de Carloman,
son frere : Ce qu’ils firent, non tant pour son insuffisance, que pour
frustrer Charles le [1 mot ill.], fils de Louis III. vray heritier de la Couronne
Imperiale. Et de faict, apres le deceds de Louis, fils d’Arnoul, la race de
Charles le Grand ayant pris fin en Allemagne, pendant qu’elle continuoit
en la maison de France, les Allemans ne laisserent pas de creer vn
Empereur de leur Nation : Ce que les Italiens auoient desia fait apres
la mort de Charles le Gros, si bien qu’il y eut plusieurs Roys ou Empereurs
Italiens originaires, iusques au temps de l’Empereur Othon, qui
conquit l’Italie, & apporta la Couronne Imperiale en la maison de Saxe.
Conrad, Duc de Franconie, fut le premier de ces Empereurs estrangers,
& eut pour successeur Henry de Saxe, & les trois Othons, le dernier
desquels, pour esgarer les droicts de ceste Couronne sur l’Empire, & en
forclore nos Roys, par l’aduis du Pape Gregoire V. qui estoit de la maison
de Saxe, rendit l’Empire electif, bien qu’il fust hereditaire ; comme il se
peut verifier par la suite des Empereurs qui precederent cet Othon. Or
depuis ceste institution, les Allemans se sont maintenus en la possession de
l’Empire, & en ont interdit l’entree à nos Roys, craignans, peut-estre, d’auoir
des Empereurs trop puissans. C’est pourquoy ils ont souuent esleu des
Empereurs de maison mediocre, tels qu’estoient Raoul, Comte de Haspurg,
& Adolphe Comte de Nassau. De fraische datte, l’Empereur Maximilian
Image de la page