Mazarinade n° A_9_9
Image de la page
Saint-Julien,? [?] [1650], LE COVRRIER BVRLESQVE DE LA GVERRE DE PARIS, Enuoyé à Monseigneur le Prince de Condé, pour diuertir son Altesse durant sa prison. Ensemble tout ce qui se passa jusques au retour de Leurs Majestez. , françaisRéférence RIM : M0_814. Cote locale : A_9_9.
Dieu qu’elles ont fait de cocus
Pendant ce malheureux blocus !
Que cette race Polonoise
En mettant Ville-Iuif dans Ponthoise,
Nous a laissé d’enfans metis !
Qu’il nous en reste de petits
Depuis que les grand, sont en voye !
Iamais le Grec ne fit dans Troye
Ce que dans Meudon elle a fait,
Où sans laisser vn seul buffet
Elle rompit auec rage
Les reliques de ce naufrage,
Entr’autres plusieurs pleins tonneaux,
Tant de vins vieils que de nouueaux.
Action qui fut si vilaine
Que deux de leurs Chefs pour leur peine
Par les habitans de ce lieu
Furent enuoyez deuant Dieu,
Où ie croy qu’ils ne furent guere,
Car Noë se mit en cholere
Sçachant qu’ils auoient mal-traitté
Le ius d’vn fruict par luy planté
Qui le coucha pour recompense.
Ieudy fut leuë à l’Audience
La lettre que l’on escriuoit
Le plus humblement qu’on pouuoit
A la Mamman de nostre Sire,
Où vous pouuez encore lire
Les raisons que le Parlement
Alleguoit de son armement
Qui sont assez conderables.
21. Ian.
Vendredy contre les Notables,
Et quelques Escheuins d’Amiens,
Arrest fut contre ces Chrestiens
Rendu sur la plainte ciuille
De l’habitant de cette Ville
A la teste chaude & hardy.
L’Arrest portoit. Du Vendredy
Le vingt-deux de cette année,
Que sur la Requeste donnée
Sous l’aueu du grand Duc d’Elbeuf,
Ce iour là vestu tout de neuf,
L’vn de nos Chefs, illustre Prince,
Gouuerneur de cette Prouince ;
Que le Picard s’assembleroit,
Et d’autres Escheuins feroit,
22. Ian.
Ce iour il arriua deux hommes
De la capitales des pommes,
Qui disoient que leur Parlement
Auoit enuoyé promptement
A leurs Majestez tres-Crestiennenes
Porter ses tres-humbles Antiennes.
Samedy le bruict a couru
Que l’Archiduc auoit paru
Sur les asseurances receuës
De nos frontieres dépourueuës,
Dont on tiroit les Garnisons
Pour faire au blocus des cloisons.
23. Ian.
Le Dimanche & le vingt-quatre
Sortirent tous prests à se battre
Force gens bien-faits, gros & gras
Les cheueux frisez, le poil ras,
En souliers noirs, en bas de soye,
Tels que ceux qui vont tirer l’Oye.
Gageons Prince que tu m’attens
A nommer nos fiers habitans,
Qui contre la pluye & l’orage
N’auoient porté que leur courage,
Et dont ils auoient peu porté
Pour plus grande legereté.
Ouy, ie veux chanter la Iournée
La plus celebre de l’année
Depuis ditte de Iuuisy,
Alors que Bourgeois choisy,
La pluspart la plume à l’oreille,
Iurant Dieu qu’il feroit merueille,
Et portant la fureur dans l’œil,
Marchoit pour assieger Corbeil :
Si la maison du sieur Des Roches
N’en eust empesché les approches,
Sotte & miserable maison,
Qu’on te maudit auec raison !
Iuuuisy malheureux village
Où manqua si peu de courage
Qu’ils en auoient apporté tous,
Sans toy Corbeil estoit à nous.
Le Bourgeois alloit en furie,
Ioint qu’on auoit Caualerie :
Des fantassins & du canon,
Et puis tu me diras que non.
Ah ! maison de Monsieur Des Roches
Que tu nous coustes de reproches !
Pourtant sa sortie eut effet,
Le Pont de Saint Maur fut deffait,
Tandis que nos gens en desordre
Assez bõs chiens s’ils vouloiẽt mordre,
Image de la page