[retour à un affichage normal]

Mazarinade n° A_2_10

Image de la page

Anonyme [1649], ADVIS A M. LE CARDINAL MAZARIN, Sur le sujet de sa sortie hors le Royaume de France. , français, latin, italienRéférence RIM : M0_475. Cote locale : A_2_10.

bien aueré que vous aués tousiours empesché
la paix pour continuer le pretexte de tant de taxes
& de tant d’imposts. Depuis vostre administration,
seulement l’or de la France a disparu, & ne
s’est plus trouué dans les coffres de l’Espargne, que
du papier & des Billets : On sçait bien que vous l’auez
transporté hors le Royaume, & encore que
vous soyés du païs des inuentions & des subtilités,
cela n’a pas tousiours esté conduit auec tant d’adresse,
que quelquesfois on n’ait découuert vostre
larcin ; & vous sçauez qu’on a fait brusler à Paris
les procés verbaux qui en auoient esté dressés sur la
frontiere. Considerés aussi ie vous prie comment
vous aués vescu, l’excés de vostre despense toute
autre que celle de la maison du Roy, que vous n’aués
rien refusé à vos sens, & que la volupté a osté
vostre souuerain bien. Dans l’abondance ou vous
estes vous aués manqué iusques là de retenir le salaire
d’aucuns de vos Domestiques, & la recompense
de ceux qui suiuoient vostre fortune. Vn
bon Politique en auroit vsé d’vne autre sorte, il
auroit fait de puissans amis, il se seroit fait aymer
au peuple, ce qui estoit bien ays��, & auroit rejetté
sur ses enuieux toutes les miseres publiques. Si
vous eussiez consulté vostre Politique Florentin,
il vous eust enseigné qu’il n’y auoit rien de si contraire
à vostre dessein que la violence ouuerte, &
que ceux qui vous l’ont conseillé, vous ont jetté