[retour à un affichage normal]

Mazarinade n° A_2_21

Image de la page

Anonyme [1649], ADVIS SALVTAIRES Aux CITOYENS ET PEVPLE de la Ville de Paris. , françaisRéférence RIM : M0_539. Cote locale : A_2_21.

ADVIS SALVTAIRES
aux Citoyens & Peuple de la
Ville de Paris.
MESSIEVRS, Les seruices que ma naissance
m’oblige de rendre au Roy, duquel i’ay l’honneur
d’estre né subiet naturel, l’amour que ie
dois auoir pour le bien & la liberté de mon pays, l’affectiõ
que i’ay pour le maintien & la conseruation d’vne Ville
dans laquelle i’ay pris naissance, & autres bonnes considerations
m’ont porté à vous donner dans l’occasion
presente, des Aduis que i’ay crû vous deuoir estre salutaires,
& desquels i’estime que vous debuez vous seruir.
PREMIEREMENT : Il est à supposer que l’enleuement
du Roy fait de nuict à trois heures du matin, le
iour & feste des Roys, sixiesme du present mois de Ianuier,
de sa bonne Ville de Paris, la plus zelée & affectiõnée
pour son seruice de toutes les Villes de France, &
dans laquelle il estoit en toute seureté, a esté proposé par
Iulle Mazarin Italien, Sicilien, subiet naturel du Roy
d’Espagne, pour se venger du dessein qu’a eu le Parlement
de luy oster les moyens sur le pretexte de la guerre,
de laquelle il ne veut iamais voir la fin, de continuer des
leuées de deniers sur le peuple, soit pour les transporter
hors du Royaume, afin de faire subsister à Rome & dans
l’Italie, dans l’opulence & abondãce vn pere, des beaux-freres
& des parens qui n’ont eu aucuns biens du patrimoine,
& estoient dans la necessité & l’indigence, y faire