[retour à un affichage normal]

Mazarinade n° C_5_28

Image de la page

Anonyme [1649], APOLOGIE POVR MONSEIGNEVR LE CARDINAL MAZARIN, TIREE D’VNE CONFERENCE ENTRE SON EMINENCE ET Monsieur ****** homme de probité & excellent Casuiste. Tenuë Sainct Germain en Laye deux iours consecutifs. PREMIERE IOVRNEE. , françaisRéférence RIM : M0_127. Cote locale : C_5_28.

moy ; & aux autres, pour auoir pretexte de confisquer leurs biens.
 
Le Casuiste. Mais Monseigneur, ces machines coustoient de l’argent.
Le Card. Il faut donner vn œuf pour auoir vn poulet, & puis cela estoit
glorieux à la France, qu’au fort de la guerre, elle eust encore de l’argent mignon
pour les diuertissemens, que les autres Princes auroient peine à payer
durant la paix. I’estois aussi-bien aise d’obliger la Nation Italienne. Et pour
vous confesser la verité, j’ayme ces diuertissemens-là, plus que toutes les
choses du monde.
Le Casuiste. Le Mareschal de Gassion, qui auoit pris les affaires si fort à
cœur, pestoit bien contre cette despense inutile, tandis que les armées du Roy
deperissoient faute d’argent.
Le Card. Il alloit trop viste en besongne, il falloit conseruer I’importante
égalité ; iamais mort ne m’a tant rauie que celle de cét homme là. Les Huguenots
le regardoient desia comme vn Chef de Party, qui eust esté capable
de releuer cette engeance que nous detestons si fort en Espagne & en Italie.
Si j’eusse regné encore vn peu plus long-temps, ou bien si ie remonte sur
ma beste, j’en veux exterminer la race ; Car mon ambition estant d’estre vn
iour Pape, mon interest veut que i’estouffe ces monstres qui pourroient
bien m’oster mes droits, & en France & ailleurs, comme ils ont desia fait en
beaucoup d’endroits.
Le Casuiste. Monseigneur, le sujet de Comedie musicale, ou musique Comique,
ou recitatiue, comme vous la nommez en Italie, ne se raporte pas
mal à vostre dessein & à l’estat des affaires.
Le Card. Comment cela ?
Le Casuiste. Il me semble que sous la mithologie agreable de la Fable
d’Orphée,
Le Card. Ie vous entends ; Vous voulez dire que i’estois le veritable Orphée
de la piece, & que i’amusois les bestes de France par les doux accens
de ma lyre.
Le Casuiste. Oüy, Monseigneur, mais vous sçauez qu’Orphée fut deschiré
par les Bacchantes ; Dieu veüille que vous ne ressembliez pas à Orphée
en ce point-là. On dit que les vefues des Seigneurs que vous auez fait perir,
vous veulent deschirer de leurs propres mains.
Le Cardinal. Nous les appaiserons en leur donnant d’autres maris, qui
vaudront bien les premiers, par les charges & les emplois que nous leur donnerons
pour appaiser les manes des defunts.
Le Casuiste. Et toutes ces harangeres de Paris & crieuses de vieux chapeaux,
qui plus proprement se peuuent comparer à des furibondes, que ces
vertueuses & desolées Dames ; Comment pourrez-vous éuiter la fureur de
leurs orgies ?
Il se fait tard, ie vous prie Monsieur, remettons à demain la continuation
de nostre Conference.
Fin de la premiere Iournée