[retour à un affichage normal]

Mazarinade n° C_7_60

Image de la page

Anonyme [1649], IVGEMENT ET CENSVRE DES TROIS LIBELLES INTITULEZ, la Replique, le Donjon, & le Retorquement du foudre de Iupinet, faits par l’Hypocrite à la fausse barbe. Iudas auoit obtenu portion à l’administration des Apostres. Act. Chap. 1. Vers. 18. , français, latinRéférence RIM : M0_1773. Cote locale : C_7_60.

son mauuais esprit, comme on peut fort bien
remarquer par ses ouurages.
 
Ie sçay bien que Saint Paul veut, que les differens
des Chrestiens soient appointez par les
saints, que ces Celestes courtisans ont méprisé
leur vie, pour la parolle des promesses, & que
le mesme diuin Apostre dit, qu’il pouuoit de la
part de Dieu vanger tous ses outrages : mais c’estoit
contre les criminels, & non pas contre la
mesme innocence. Mal-heur à celuy par qui il
arriue scandale. Si ton œil te scandalise arrache-le,
dit Saint Matthieu en son chapitre cinquiesme.
Outre que l’authorité de reprendre & de
corriger le vice : en la personne des vicieux, qui
est vne chose sainte, ne se donne pas aux chiens,
& moins encore aux impudens, aux foux & aux
impies. Cura te ipsum, dit vn des grands maistre
du temps, contre ceux de l’Escole en Medecine,
& puis, mais que tu sois au nombre des sanctifiez
en Dieu, tu pourras faire leur office : mais
iusques là c’est vn crime tres abominable, à quiconque
le voudra entreprendre. Et puis les
Saints, veu que ie suis en humeur de te faire encore
vne petite leçon, ne reprennent iamais le
vicieux auec des paroles infames & outrageuses.
Saint Paul dit qu’il ny a rien qui corrompe
tant les bonnes mœurs, que les mauuaises paroles.
C’est vn vice que Dieu hait extremement, &
dont il a fait autrefois des punitions étranges.