[retour à un affichage normal]

Mazarinade n° C_7_60

Image de la page

Anonyme [1649], IVGEMENT ET CENSVRE DES TROIS LIBELLES INTITULEZ, la Replique, le Donjon, & le Retorquement du foudre de Iupinet, faits par l’Hypocrite à la fausse barbe. Iudas auoit obtenu portion à l’administration des Apostres. Act. Chap. 1. Vers. 18. , français, latinRéférence RIM : M0_1773. Cote locale : C_7_60.

estre. Il croit qu’il n’est point d’autre science,
ny d’autre perfection, que celles qu’il s’imagine
auoir dans son esprit, & qu’il se figure à sa mode.
 
La supreme verité à beau luy dire, Nolite iudicare,
il ne laisse pas de passer outre, & de faire le
procez aux Roys, aux Empereurs, & mesme aux
Princes de l’Eglise, aussi bien qu’aux moindres
de la terre. La Congregation des fidelles, fait
bien vne generale declaration de plusieurs
Saints, & de plusieurs Martyrs, qui se sont aquis
par leurs nobles trauaux, vne beatitude eternelle :
maisil ne se trouuera pas iamais qu’elle ait dit
particulierement vn tel est ou sera damné, comme
fait nostre illustre hypocrite.
D’où vient donc qu’il se porte auec tant de liberté
à iuger pour iamais du salut d’vn homme
dont la vie luy est inconnuë, sans crainte d’estre
iugé de la mesme sorte qu’il iuge les autres ? Cela
part asseurement de l’humeur qui le possede à
s’estimer, & plus homme de bien & plus versé
en toute sorte de sciences, que qui que ce puisse
estre. De son seul suffrage il se met dans le thrôsnes
des iugemens humains ; afin de distribuer
d’authorité absoluë, le bien ou le mal, la loüange
ou le blasme, la recompense ou la peine à qui
bon luy semble. Enfin de crainte qu’on ne le
mette au rang des morts, il aime mieux faire parler
de luy en blasphement contre Dieu & contre