[retour à un affichage normal]

Mazarinade n° B_19_45

Image de la page

Anonyme [1652], LE TROISIESME COMBAT DONNÉ LE TRENTIEME May, jour de la feste Dieu, deuant la ville d’Estampes, entre les troupes de Son Altesse Royale, commandées par le Comte de Tauannes & le Baron de Clinchamp, & celles du Mareschal d’Hoquincourt, de Broglio, & de Chil. Auec les noms des morts & blessez & des prisonniers, entre lesquels sont les Generaux Broglio Italien & Chil Polonnois. , françaisRéférence RIM : M0_3892. Cote locale : B_19_45.

leurs escadrons, & les obligerent de se retirer en
desordre.
 
Cependant l’aile d’Hoquincourt estoit aux
mains auec celle de Tauanes, ayant commancé
son attaque auec Nauaille & les Polonois, contre
lesquels le Regiment de Tauanes voulant monstrer
son coup d’essay, & qu’il estoit participant du
courage de celuy dont il porte le nom, fit ferme
& repousa Nauaille auec tant de roideur, qu’il
ne se peut ralier pour reuenir au combat, les Polonois
faisant front à la place dudit Regiment ne
souurirent pas si facilement, & disputerent la Victoire
auec beaucoup d’opiniastreté ; mais le Regiment
de Mademoiselle & les trouppes d’Orleãs
qui estoient de reserue & n’auoient point encore
combattu, auec la Caualerie d’Anguien fondirent
si vertement dessus, qu’ils rompirent non seulement
& mirent en fuitte lesdits Polonois ; mais
firent vn carnage beaucoup plus grand qu’il n’y
en auoit eu en toutes les attaques precedentes.
Les morts & prisonniers de marque, de cette
aisle, sont vn Colonel du Regiment de Nauaille
tué, trois Capitaines de Caualerie aussi tuez, &
trois d’infanterie faits prisonniers.
L’aisle de Broglio s’estãt raliée, vint derechef à la
charge ; mais auec plus de perte & de honte que la
premiere fois, deux quartiers du Regiment dudit
Broglio ayant esté emportez d’abord & luy fait
prisonnier, le reste prenant la fuitte, pour tâcher de