[retour à un affichage normal]

Mazarinade n° C_12_29

Image de la page

Anonyme [1652], LE VERITABLE MANIFESTE DE MONSEIGNEVR LE PRINCE Touchant les raisons de sa sortie, & les protestation qu’il fait aux Parisiens, qu’il n’abandonnera iamais leurs interests. , français, latinRéférence RIM : M0_3942. Cote locale : C_12_29.

Si vous auez pris la peine de faire quelque reflexion
desjnteressee sur la conduitte de la Cour, vous
auez peu remarquer que les procedez n’en ont
iamais esté sinceres ; & que c’est auec des continuelles
soupplesses aussi contagieuses à l’esprit d’vn
ieune Majeur qu’indignes du conseil d’vn Roy ;
Que la Politique en a esté concertée par ceux qui
se sont ingerez malgré toutes nos loix dans le gouuernement
de l’Estat Aussi n’a il iamais esté possible
à Son Altesse Royalle, quelque soing &
quelque prudence qu’il y ait apporté, d’entreuoir
aucune sorte de iour à l’accommodement que les
necessitez publiques exigeoient de son entremise
Royalle : Et les intrigues ordinaires dont les negotiateurs
de la Cour embarrassoient malicieusement
leurs traictés, ne luy ont que trop fait cognoistre
que c’est par des remises de cette nature
qu’elle esperoit plus fermement establir son iniustice ;
& qu’en temporisant tousiours en faisant
cependant mine de se vouloir accorder, elle obligeroit
les peuples par ces longueurs ennuyeuses,
de s’accoustumer insensiblement à souffrir la tyrannie.
En effet, Messieurs, vous pouuez tesmoigner à la
gloire de S. A. R. & à la mienne, que vous n’auez iamais
blamé dans nostre cõduite que nostre moderation,
& que les profonds respects que nous auons inuiolablement
conserué pour la personne sacrée de