Mazarinade n° A_5_94
Image de la page
Anonyme [1649], LE VRAY POLYTIQVE OV L’HOMME D’ESTAT DES-INTERESSÉ AV ROY LOVYS XIV. SVRNOMMÉ DE DIEV-DONNÉ. , françaisRéférence RIM : M0_4073. Cote locale : A_5_94.
pas à la moitié prés tant d’empeschemens à rompre que luy.
L’interest, commun de l’Europe, auoit lié sous luy de longue
main, qui peut faire contre-poids à l’agrandissement de la maison
d’Austriche. Outre ceux que les dernieres guerres ciuilles
auoient formez sur son modelle, il estoit suiuy des deux
plus grands & plus illustres Capitaines de la Chrestienté, dont
l’vn estoit attiré par l’esperance d’vne nouuelle couronne, qu’on
luy promettoit & l’autre animé par la haine hereditaire qu’il
portoit à cette nation. Il auoit deux ou trois grosses & puissantes
armées sur pied, qui n’attendoient rien que le commandement
de marcher, pour renuerser tout ce qui s’opposeroit à
leur passage A quoy si l’on ioint cét alliage de l’argent de la
Bastille, auec le fer de l’Arsenal, qui n’estoit pas la moindre
piece de ce grand attirail de guerre, ie ne voy pas que de tout
ce qu’on estime le plus necessaire en telles entreprises, il s’y
trouuast rien à desirer. Le Roy pere de vostre Maiesté n’a eu
aucun de ces aduantages en la sienne.
Tous ses voisins, ou trop timides pour se declarer, ou trop foibles
pour l’assister, ont regardé le ieu de loin, ou si quelques-vns
se sont ioints auec luy, le progrez a monstré qu’ils estoient plus
desireux de conseruer leurs terres, que capables de deffendre celles
d’autruy.
Sa Maiesté ne manquoit pas à la verité d’hommes : mais la fatigue
d’vn siege de plus d’vn an, la longueur d’vn voyage
de prés de deux cens lieuës, & l’incommodité d’vn temps de
neiges & de pluyes, les auoient tellement combatus, que s’ils
n’eussent esté animez par sa presence, il ne falloit que les Alpes
pour les arrester. Son Espargne d’ailleurs estoit tellement épuisée
par les excessiues, & prodigieuses dépenses, qu’il venoit
tout fraischement de faire en ces grands trauaux de terre & de mer,
qu’vn chacun sçait, que sans la fidelité, la preuoyance merueilleuse,
& l’ordre excellent du Cardinal Duc de Richelieu, qui manioit
toutes les affaires de l’Estat & les Finances, son armée eust
demeuré comme vn corps destitué de l’vsage de ses nerfs, sans aucun
mouuement.
Et parmy tous ces manquemens de s’aller tout seul opposer
comme il fit aux forts d’vn Empereur, & d’vn Roy d’Espagne
conioints par l’interest naturel de leur famille, assistez d’vn Duc
de Sauoye, fauorisez d’vn passage occupé sur les Grisons, enflez
de leur nouuelles conquestes d’Allemagne, & tout cela dans vn
païs dont ils tiennent depuis long-temps les deux bouts, & le
milieu ; c’est pour n’en mentir point, Sire, ce que nous eussions
Image de la page