[retour à un affichage normal]

Mazarinade n° B_12_1

Image de la page

Anonyme [1652], LES ENTRETIENS IMPORTANS DE LA REYNE, AVEC LE CARDINAL MAZARIN. Sur le sujet de sa teste mise à cinquante mille escus. , françaisRéférence RIM : M0_1255. Cote locale : B_12_1.

qu’aux François qui ont tant d’auersion contre vous :
Mais vous vous sevré de ce contentement d’estre visité par
vos amis, & ceux principalement qui composent vostre
conseil, qui est le mesme que celuy du Roy, & qui ont
besoin de vous voir à toute heure pour aduiser auec vous
aux remedes qui pressent vostre personne & les leurs ;
mais il me semble qu’il vaudroit mieux vous seruir de vos
anciens seruiteurs qui vous ont rendu de si bons seruices,
& de la fidelité desquels vous auez assez de preuues pour
leur conferer vostre garde.
 
Mazarin, Madame, comme ie ne peux m’asseurer de la
fidelité des François, ny des miens, ie voy bien qu’au peril
de ma vie il faudra que ie quitte la France si ie ne veux
me voir tomber entre les mains de mes ennemis, ny pouuant
pas viure auec seureté de ma personne.
La Reyne, Monsieur, si vostre resolution est de sortir
de France, pour vous retirer en quelque pays estranger :
nous auons mille moyens de vous y faire conduire en toute
seureté. Mais considerez que vostre éloignement causera
vne sorte de bannissement pour moy, & sera la ruine
de tant de personnes d’honneur qui sont auiourd’huy prés
de vous, & qui sont en grand nombre par toute la France,
& qui dés à present se retirent pour éuiter le danger dont
ils sont menacez.
Mazarin, Madame, ie veux bien croire que le Roy est
puissant, & que son authorité peut beaucoup pour me proteger
en ma sortie hors de France : Mais vostre Maiesté
considerera s’il luy plaist l’Estat auquel la France est maintenant,
que Monsieur le Duc d’Orleans est declaré Lieutenant
General du Roy par tout le Royaume, Pays, Seigneuries
& Terres de son obeyssance ; & ce par Arrest du
Parlement de Paris, qui sera authorisé des autres Parlemens,
qu’en cette qualité toutes les villes luy obeyront,
& sera impossible à vos Maiesté de changer de seiour