[retour à un affichage normal]

Mazarinade n° A_2_63

Image de la page

Anonyme [1649], ESTABLISSEMENT VNIVERSEL DE LA PAIX GENERALE, OV SENTENCES MORALES ET POLITIQVES Sur les plus importantes matieres de l’Estat. Contre les vsurpateurs du bien public. Où le droit des gens, & la cause commune sont equitablement defendus. En faueur des Souuerains & des Peuples. Touchant la veritable creation & la legitime authorité des Roys, & la mutuelle obligation des Princes enuers leurs Sujets, & des Sujets enuers les Princes. Piece rare & instructiue & pour le Tiers Estat, & pour la Noblesse. , françaisRéférence RIM : M0_1289. Cote locale : A_2_63.

exemple ? N’est-ce pas là dans vn commencement encore
tout enfantin, posseder des qualitez à faire rougir des Princes
plus âgez que luy, & qui se picquent d’auoir & plus de
generosite & plus de sagesse. C’est s’il me semble sçauoir faire
des miracles en sa faueur, & s’esleuer à des honneurs, où
personne que luy ne sçauroit atteindre. Et c’est en vn mot
auoir trouué les moyens d’attirer sur sa Maiesté, toutes les
bonnes influences du Ciel, & toutes les benedictions de
Dieu & des hommes, sur toute l’estenduë d’vn Royaume
si florissant, que celuy dont sa Diuine Prouidence l’a voulu
honorer, en reconnoissance d’vne vertu si prodigieuse que
la sienne.
 
Dieu dont les bontez sont infinies, luy fasse la grace de
perseuerer en de si dignes sentimens, afin de se mettre au
nombre des Saincts, aussi bien qu’au rang des illustres. C’est
le souhait que tous les bons François doiuẽt faire pour luy,
& les moyens dont ils se deuroient seruir, pour obtenir des
benedictions infinies. A quoy ne sommes nous pas obligez
pour vn Souuerain, que le Ciel a doüé d’vne si extraordinaire
vertu, & pour vn Estat qu’il a tousiours chery, & si necessaire
à sa gloire. Ce Prince a des qualitez si vtiles au salut
de cette Monarchie, que nostre zele seroit digne de blasme,
s’il s’arrestoit au seul repos où le sort nous a mis, & s’il ne tẽdoit
à des faueurs plus excellentes & plus glorieuses pour
son bien, aussi bien que pour le nostre. Ce Souuerain Eternel
nous a tousiours témoigné qu’il auoit plus d’amour pour
nos Roys que pour tous les Princes de la terre. La France
luy a esté continuellement en plus grande consideration
que le reste des autres Empires. C’est ce qui nous doit obliger
à croire fermement, que ce Diuin Protecteur des Peuples
& des Estats, ne manquera pas de sa part à nous assister
de tout ce qu’il nous fera besoin, pour nous acheminer à des
desseins si pieux & si considerables que les nostres ; pourueu
que de nostre costé nous ne manquions pas de contribuer
en tout ce qui nous sera possible à les receuoir dignement,
afin qu’ils ne nous soient pas enuoyez sans efficace.
Nous commençons desia heureusement, apres tant de