[retour à un affichage normal]

Mazarinade n° B_7_28

Image de la page

Anonyme [1652], LES PARTICVLARITEZ DE LA BATAILLE GENERALE, donnée entre l’Armée de son A. R. Commandée par Messieurs le Prince de Condé, les Ducs de Beaufort & de Nemours: Et celle des Mazarins dans la plaine de Galles, entre Chastillon sur Loin & Briare, le huictiéme Avril 1652. , françaisRéférence RIM : M0_2708. Cote locale : B_7_28.

celle des Mazarins, laquelle s’estoit campée entre
Briare & Chastillon, dans vne plaine assez spacieuse,
appellée de Chasteau-Renard, qui fut le soir
de la nuict du sept au huict du courant, en laquelle
attaque Mondit sieur le Duc de Nemours enleua
d’abord quatre quartiers de l’armée Mazarine, sans
que le gros de cette armée ennemie fut autrement
adverty de cette infortune, que par le bruit des
armes, tant le silence fut exactement obserué dans
cette surprise, laquelle donna dautant plus l’espouuante
au reste de cette armée Mazarine, qu’elle
n’attendoit pas vne telle disgrace : Les obscuritez
de la nuict empescherent que ces premiers aduentages
ne fussent continuez, & obligerent Monsieur
le Prince de Condé (qui ne dormoit pas) de
ne pas negliger l’occasion qui luy parroissoit d’autant
plus fauorable, que toute son intention estoit
de taster le poux vertement aux Mazarins, & qui
dans ce dessein n’auoit empesché leur passage à
Gyen, auquel il pouuoit s’opposer, sçachant que
les Generaux Mazarins ne manqueroient pas de
vouloir tenter leur reuenche pour tascher de recouurer
ce qu’ils auoient perdu Il fit tenir toute
l’armée en bataille pendant la nuit, de laquelle ayãt