[retour à un affichage normal]

Mazarinade n° B_13_55

Image de la page

Anonyme [1652], LES PARTICVLARITEZ DE TOVT CE QVI S’EST FAIT ET PASSÉ AV PARLEMENT LE XVIII. IVILLET. La trahison de Mazarin descouuerte pour l’enleuement des Deputez, Auec la Lettre de cachet du Roy enuoyée cette nuit ausdits Deputez: Et celle du President de Nesmond à Messieurs du Parlement. Et la resolution de Son Altesse Royale, d’aller en personne querir les Deputez à Saint Denys. , françaisRéférence RIM : M0_2713. Cote locale : B_13_55.

On leur a fait icy écrire des esperances de paix :
Il a mesme fait donner parole au Roy pour son
esloignement, En suitte fait demander d’autres
Deputez pour rafraichir ceux-cy : Et quand ils
persistoient pour auoir répõse, il leur faisoit dire :
Le Roy ne respond point auiourd’huy, la mort
inéuitable de Manchini l’afflige trop, attendez,
reuenez demain. Et en suite quand il desloge
sans faire donner response, il fait donner charge
ausdits Deputez d’attendre dans sainct Denis
la response du Roy, qui leur doit enuoyer
au plus tard le lendemain à midy, & cependant
tire tousiours ses chausses. A t’on iamais veu telles
pantalonades, telles intrigues de theatre :
pour moy ie ne m’en estonne pas, car c’est l’humeur
ordinaire des Tyrans, & tel estoit l’Empereur
Neron, de mesme pays, qui s’estimoit le
meilleur farceur de son temps. D’autre costé
pour mieux ioüer son rolle, il fit enuoyer vne
lettre, pour troubler à son ordinaire l’Assemblée.
Mais Messieurs les Princes sur la resolution
qu’ils prirent d’aller querir les Deputez, la
differerent à ce iourd’huy 18. les ayant laissez à
sainct Denis iusqu’à midy, pour attendre cette
parole promise, qui ne produira pas grand effet.
 
Cependant il n’ont pas laissé de s’assembler,
& tous les Presidens & Conseillers mandez, Son