[retour à un affichage normal]

Mazarinade n° B_19_37

Image de la page

Anonyme [1652], LES PARTICVLARITEZ DV SECOND COMBAT donné entre l’armée de Son Altesse Royale, commandée par Messieurs les Comtes de Tauannes & Baron de Clinchamp, & l’armée commandée par le Mareschal de Turenne, deuant la ville d’Estampes le vingt-neufiéme May 1652. Auec la prise de leurs drapeaux, canons & bagage, & le Neueu du Cardinal Mazarin blessé, & autres. , françaisRéférence RIM : M0_2718. Cote locale : B_19_37.

mais dans vn tel desordre, que l’arriuée des
plus hastez dans l’armée du Mareschal
d’Hoquincourt qui estoit à deux lieuës de
là, fit aussi prendre la fuite à cette armée,
dont le Cardinal Mazarin estant aduerty,
& croyant auoir nostre Caualerie à ses
trousses se retira vers Montlehery.
 
Nostre Infanterie ayant esté ralliée, &
la Caualerie estant reuenuë de la chasse
qu’ils venoient de dõner aux fuyards, qu’ils
auoient toûjours menez battans deux lieuës
entieres, se fit la reueuë, par laquelle se trouua
que nous n’auions perdu dans le combat
que cinquante ou soixante hommes au
plus, au lieu qu’il en demeuré sur la place
du costé du party contraire plus de quinze
à seize cens, la terre en estant jonchée de
toutes parts. Les despoüilles desquels ont
seruy de butin à nos Soldats, qui ont pris de
bonne guerre à ceux cy ce qu’ils ont pillé &
brigandé aux enuirons de Paris, & par tous
les lieux où leur marche s’est adonnée.
Outre les morts & le butin susdit le Mareschal
de Turenne qui s’est trouué en grãd
danger de sa personne, ayant esté trois heures
entieres dans la meslée, a perdu quatre