[retour à un affichage normal]

Mazarinade n° A_6_74

Image de la page

Anonyme [1649], LES PRESSANTES EXORTATIONS DE L’EVROPE, AVX QVATRES MONARCHIES Chrestiennes, & autres Etats de son Empire, pour la paix vniuerselle, & l’vnion de leurs armes, pour la destruction de l’Empire Ottoman. , françaisRéférence RIM : M0_2863. Cote locale : A_6_74.

& qui ne se peuuent interpreter. Bien souuent
ceux qui semblent estre cruels, à ces sortes
de gens sont justes ; ceux qu’ils croyent
ne faire pas la iustice sont misericordieux, &
ceux qui établissent de nouueaux impots sont
pris pour des auares, & ils sont prudens, & n’agissent
ainsi que pour le repos, & la conseruation
de leur Etat & de leur peuple ; tellement
que le mauuais iugement de ces ignorans les
trompe, & leur fait croire pour vicieux, les
plus vertueux Princes du monde.
 
Ie sçay bien qu’il y en a eû qui ont voulu dire
qu’on deuroit fuïr la conuersation des Princes,
le plus qu’il étoit possible, quoy quelle
soit fort honorable, à l’imitation du vase de
terre ; qui ne veut point éstre accompagné de
celuy d’airain. Leur raison est de ce qu’ayant
l’honneur de les frequenter, l’on n’ose pas
parler librement auec eux, ny les contredire
en aucune chose, si l’on ne veut aquerir leur
haine. C’est reuer que d’auoir cette opinion,
la conuersation des Princes ny des Princesses
ne se doit pas fuir, sinon entant qu’elle ôte la
liberté qui est si agreable en la conuersation ;
& met en seruitude ; car autrement on la doit
rechercher, pource quelle rend les hommes
plus genereux, & que si elle n’apporte du profit
& de l’honneur, l’on est à tout le moins asseuré