[retour à un affichage normal]

Mazarinade n° A_6_74

Image de la page

Anonyme [1649], LES PRESSANTES EXORTATIONS DE L’EVROPE, AVX QVATRES MONARCHIES Chrestiennes, & autres Etats de son Empire, pour la paix vniuerselle, & l’vnion de leurs armes, pour la destruction de l’Empire Ottoman. , françaisRéférence RIM : M0_2863. Cote locale : A_6_74.

Tous ces Priuileges, & ces belles prerogatiues
montrent bien, que de tous les Princes
de la terre habitable, il en est le premier, le
plus grand le plus chery de Dieu, & consequemment
le plus digne aussi, comme le plus
capable de détruire la race Mahometane, &
de faire regner dans les Saints lieux, la loy du
Diuin Createur des Anges & des hommes, où
celle du Diable y a si long-temps esté professee.
Mettez promptement la main à l’œuure,
Princesse l’ornement de toutes les autres ; de
ma part ie vay contribuer tout ce que ie pourray
du mien, affin que la maison d’Autriche,
à qui Charles-Quint a tant donné d’ambition
par ses Conquestes, puisse renoncer à la pretention
qu’elle a de long-temps, de se faire
la maistresse absoluë de tout l’Vniuers. Les
Royaumes tous entiers, & la quantité de
Prouinces qu’elles a perduës, depuis qu’elle
a la guerre auec vous, la doit plus aisement
faire incliner à la Paix, & l’Empire ayant quitté
son party, il y a de l’apparence qu’auec ce
que i’y mettray aussi du mien, nous la porterons
à nos mesmes souhaits, pour tous ensemble,
coniointement, trauailler pour
l’honneur de Dieu & de son seruice, en exterminant
le mal, & faisant naistre le bien, à