[retour à un affichage normal]

Mazarinade n° A_6_74

Image de la page

Anonyme [1649], LES PRESSANTES EXORTATIONS DE L’EVROPE, AVX QVATRES MONARCHIES Chrestiennes, & autres Etats de son Empire, pour la paix vniuerselle, & l’vnion de leurs armes, pour la destruction de l’Empire Ottoman. , françaisRéférence RIM : M0_2863. Cote locale : A_6_74.

acreu les bornes de son Empire, en saccageant, &
conquerant sans resistance les limites du mien.
 
Vous le sçauez, toute la terre des fidelles Catholiques,
quel sujet i’ay eu de ietter incessamment
au Ciel, mes soupirs & mes plaintes, affin de
le rendre propice à mes vœux, & de l’obliger par
mes ardentes prieres, à établir vne paix, où i’ay si
long-temps veu regner la guerre. Non seulement
la Chrestienté à eu vne parfaite connoissance
des maux que i’ay endurez, au moyen de la diuision
de mes peuples ; i’en eusse bien mesme donné
l’intelligence à l’Asie, à l’Affrique, & à l’Amerique,
qui, auec moy, composent toute la terre habitable,
si elles eussent esté éclairées, comme ie
suis, de la connoissance du vray Dieu : mais leur
éloignement, & l’ignorance qu’elles ont pour le
culte du tout puissant, a fait que ie n’ay point donné
à connoistre à des Monstres & à des Barbares,
les ennuis, & les douleurs, dont ils ne peuuent
donner, ny de soulagement, ny de guerison. Ie
me suis contentée, en Europe genereuse & affligée,
de dire seulement mes peines à mes propres
enfans, qui n’ont pas eû assez d’humanité pour
s’efforcer à faire cesser les tourmens de leur mere.
Lors qu’a part moy, i’ay quelquefois voulu faire
reflection sur les insensibilitez de ces peuples ;
ie me suis aussi tôst imaginée que leurs oreilles
étoient bouchées à oüir mes ressentimens, par vne
permission diuine, qui permettoit que pour la diuersité