[retour à un affichage normal]

Mazarinade n° C_7_83

Image de la page

Anonyme [1649], EXPOSITION ET EXPLICATION DES DEVISES, EMBLEMES ET FIGVRES Enigmatiques du Feu construit deuant l’Hostel de Ville, PAR MESSIEVRS LES PREVOST des Marchands & Escheuins de Paris, Sur l’heureuse Naissance & Retour du Roy. Faite par Henry Estienne, Escuyer, Sieur des Fossez, Poete & Interprete du Roy és Langues Grecque & Latine. , français, latinRéférence RIM : M0_1336. Cote locale : C_7_83.

Voicy en suite Apollon, Phœbus ou le Soleil (car ce
n’est que la mesme chose :) Cette blonde cheuelure &
crespelée, cette Ieunesse, & les traits de visage nous font
assez connoistre qu’il represente le Roy. C’est cét Astre
propice, qui par sa Naissance a reparé la perte de nostre
Soleil couchant : C’est cét Astre puissant dont l’aspect
fauorable produit, engendre, nourrit & conserue
toutes les creatures animées & inanimées, qui dissipe
tous les nuages & les broüillards qui s’opposent à sa
clairté. Hercule n’a pas seul defait les Monstres en sa
ieunesse, Phebus tua le Serpent Python, qui le vint attaquer
dans son berceau : C’est pour quoy il porte des fleches
pour de faire ses ennemis, mais c’est de la main gauche
dont il se sert peu, & prend plus grand plaisir à se
seruir de la droicte dont il porte les graces : Ce sont les
Faueurs, les Bontez, & les Liberalitez qu’il exerce enuers
ses Subjets. Cette bonté & cette promptitude à
contribuer plustost des faueurs que des disgraces, se fait
entendre par ce mot Latin,
Dextra promptior.
La main droite est tousiours plus prompte à operer
que la gauche ; c’est pourquoy c’est de celle-cy qu’il
tient les fléches, & de l’autre les graces.
On void les Monstres que ce ieune Heros a défait
dés ses plus tendres années, representez par ces Lions
& ces Aigles ; Ce qui est expliqué par ces mots Latins
pris de Seneque le Tragique,
 
Monstra superauit prius
Quam nosse posset.
 
A peine nostre ieune Prince cognoissoit-il ses ennemis,
qu’il les a défaits & mis à vaudetoute.