[retour à un affichage normal]

Mazarinade n° B_19_7

Image de la page

Anonyme [1651], LES TROIS MASQVES DE BOVË. OV LA SAVONETTE. , françaisRéférence RIM : M0_3887. Cote locale : B_19_7.

Palais, & qu’il se fut reconnu, il dit en luy mesme qu’il
deuoit vne belle chandellle à Dieu, mais pour tesmoigner
que sa colere l’alloit transporter, les premieres paroles
qu’il profera furent de dire où sont ces coquins ?
quelqu’vn luy voulant repartir qu’il deuoit estre content
d’auoir euité leur fureur, il respondit qu’il seroit
bien aise qu’on ne passast plus outre, & cõmanda qu’on
fit venir promptement vn Chirurgien, & qu’on le chãgea
d’habits & de linge, croyant par vne superstition
Gasconne, qu’il eust le mal-heur sur ses hardes. Il n’estoit
que trop vray : tous ses vestemens furent gastez, &
parce que la bouё de Paris tache non seulement le linge
& l’estoffe, mais encore tient iusqu’au cuir, non seulement
le linge de ce Duc fut sally, son cordon blei, son
S. Esprit & tout son attirail, mais mesme sa callotte fut
tellement couuerte de bouё, qu’elle fit pitié à plusieurs
qui creurent qu’on luy eust arraché les cheueux. Vous
me direz qu’il y a de fort bonnes Sauonettes dans Paris,
qu’outre celles de Gille le Niais, de Brigantin, de la Roche,
de du Pas, de la Fleur, & plusieurs autres son Eminence
Mazarine en a bonne prouisiõ de musquées, mais
tout cela n’est point capable d’oster l’infamie qui demeurera
eternellement sur sa peau luy qui sçait que
l’honneur ne se laue que dans le sang enragé de ne se
pouuoir vanger. Mais quoy, quand il seroit aussi ladre
qu’il est verolé, & qu’il se promit vn bain sanglant ; neãt
moins il n’a qu’à faire vne fort bonne lexiue, & se seruir
des Sauonettes à la mode pour blanchir ses hardes, mais
qu’il ne pretende pas d’oster iamais les taches que le
Mazarin a fait à son honneur. Il n’a qu’à se tenir bien
sur ses gardes comme il fait en attendant la chanse se
fournir de Sauonettes de toute sorte, & s’il faut faire
Gille, ne demeurer des derniers, de peur qu’on ne l’enuoye
des premiers en Sicile, ou les Poёtes ont feint estre
l’entree des Enfers. Il est vray aussi qu’il demeurera
inconsolable iusqu’à ce qu’il eust appris qu’vn autre
Mazarin plus illustre sans cõparaison que luy, qui n’est