[retour à un affichage normal]

Mazarinade n° B_11_29

Image de la page

Anonyme [1652], EXTRAICT DES REGISTRES DV PARLEMENT, CONTENANT Ce qui s’est passé pour l’esloignement du Cardinal Mazarin. , françaisRéférence RIM : M0_1351. Cote locale : B_11_29.

de les mettre ensemble, mais aussi de les fortifier du secours
que luy amenoit Monsieur le Duc de Nemours, pour
faire vn corps d’armée considerable, & effectuer ce que la
Compagnie l’auoit conuié de faire ; Que tant que ledit Cardinal,
qui auoit toute l’authorité à la Cour, qui est maistre de
la personne du Roy, & qui se sert de son nom & de ses forces
pour authoriser ses violences, seroit dans le Royaume, qu’il
n’y auoit rien de si naturel, ny si legitime, que de pouruoir à
sa seureté, & particulierement à celle de toute la Maison
Royale, dont ledit Cardinal auoit iuré l’entiere destruction.
Que toutes les Compagnies Souueraines du Royaume qui
l’ont si solemnellement condamné, ne deuoient pas attendre
vn meilleur traittement de luy. Et qu’ainsi c’estoit vn interest
commun que celuy de pouruoir à sa deffense cõtre vn ennemy
public ; mais qu’il protestoit derechef à la Compagnie de
poser les armes à l’instant qu’il sera hors du Royaume, & que
lesdites Declarations & Arrests auront esté executez, n’ayant
autre interest que celuy-là seul, non plus que tous ceux qui se
sont joincts en la mesme cause. Ce qu’il protestoit de nouueau
tant pour eux, que pour luy à la Compagnie : & qu’il fust fait
Registre de sa presente declaration, apres laquelle il ne
croyoit pas qu’il y eust sujet de faire aucune deliberation
sur ladite lettre de cachet, qui n’est qu’vn ouurage dudit
Cardinal, & de quelques vns de ses emissaires.