[retour à un affichage normal]

Mazarinade n° B_11_20

Image de la page

Anonyme [1652], MANIFESTE DE LA VILLE DE PARIS, CONTRE LE RETOVR du Cardinal Mazarin. DEDIE A SON ALTESSE ROYALE. , français, latinRéférence RIM : M0_2362. Cote locale : B_11_20.

est comme la foudre qui laisse tousiours de la foiblesse,
aussi bien que de la mauuaise odeur aux choses
qu’elle n’a touchez qu’en passant.
 
Enfin si le Cardinal est le Maistre il fera perir tout
Paris. Il en tirera toutes les forces comme il a desia
commencé, le Conseil, le Parlement & les autres
Compagnies Souueraines. Il en fera sans doute vne
Ville deserte. Paris aime son Roy, & il ne le verra iamais.
Le Cardinal s’imaginera tousiours, & auec
raison, ny pouuoir trouuer sa seureté, quelque parole
qu’on luy donne. Ainsi que deuiendrez vous
Marchands, il faudra fermer vos boutiques, vostre
commerce sera entierement ruiné ? que deuiendrez
vous Bourgeois, vos maisons seront abandonnées ?
que deuiendrez vous Rentiers, vos rentes ne seront
plus payées. Il n’y aura point de Ville ny aucune
Puissance (Paris destruit ou vaincu) qui puisse forcer
les Ministres de faire Iustice & d’obeïr à la Loy.
Toy President ou Conseiller, qui auras peut-estre
fauorisé la faction de ce Ministre & son restablissement,
contre ton honneur & ta conscience, & pour
en profiter, T’imagines tu quand il seroit homme à
tenir parole, & qu’il n’auroit point trompé tous ses
amis, qu’il te puisse iamais recompenser de la perte,
ou de l’auilissement de ta charge, qui est de sept cens
mil liures, ou de quelque autre somme notable, &
de la diminution generale de tous tes autres biens.
Pourras-tu iamais tant gagner auec luy ? La France
en l’estat qu’elle est, & qui sera encore plus déplorable
tant qu’elle sera entre les mains du Cardinal