Mazarinade n° A_6_7
Image de la page
Anonyme [1649], MANVEL DV BON CITOYEN, OV BOVCLIER DE DEFENSE LEGITIME, Contre les assauts de l’Ennemy. , françaisRéférence RIM : M0_2406. Cote locale : A_6_7.
d’imaginer qu’vn homme baptisé dans la Paroisse de sainct Eustache,
ou de sainct Mederic, puisse contribuer ny consentir à la ruine de Paris.
Il est pareillement veritable que ces mangeurs de Chrestiens, auparauant
que d’en venir à ces extremitez, il faut qu’ils ayent effacé le
charactere de l’humanité, auec celuy de leur Baptesme, par vne lõgue
habitude de mal faire, & par vne resolution affectée de ne pas croire
en Dieu. C’est sur ce fondement qu’ils n’ont pitié de personne, qu’ils
en prennent de toutes parts, & qu’ils ne sont interrompus ny inquietez
dans leurs de lices d’aucun scrupule, ny d’aucun remords. Quelqu’vn
d’entre-eux qui n’est plus au monde, comme on l’aduertissoit
que du temps du Chancelier de Sillery, on n’vsoit pas de si violentes
procedures : il respondit, De ce temps-là nous craignions tout, à
present nous ne craignons rien. Pour paruenir à cette audace, il y a
deux voyes, la premiere, & la plus battuë, c’est vne mauuaise naissance
destituée d’instruction & de discipline ; ils n’ont entendu ny Catechisme
ny preceptes ; on les a mis ieunes dans vn Berlan, ou chez vn
Financier, comme en conditions plus aduantageuses que celles d’vn
College, ou d’vn mestier legitime : Ils n’ont veu que des dez & des
cartes, ils n’ont ouy ny veu que de mauuais commerces : C’est par or
& par argent que leurs Maistres ont acquis ces belles maisons, & ces
beaux meubles, & qu’ils ont marié leurs filles auec toute cette Noblesse ;
ils feront par consequent sur ces exemples tout ce qui leur sera
possible pour auoir de l’or & de l’argent, qui est la monnoye de toutes
les commoditez, & de toutes les dignitez. L’autre chemin qui conduit
à cette insolente cruauté, c’est celuy que tiennent les personnes d’vne
extraction ingenuë, lesquels ayans esté bien instruits de ieunesse, &
se trouuans dans les aises de la vie, ils s’y abandonnent si desordonnément,
que pour en ioüir plus pleinement, & d’vne felicité plus entiere,
par estude & par force d’esprit (ainsi qu’ils parlent) ils trauaillent
à estouffer toutes les semences de vertu qui ont esté iettées dans leurs
ames, & ne veulent plus escouter ny les conseils des gens de bien, ny
les reproches de leurs consciences ; c’est alors qu’ils font passer leurs
crimes & leurs impietez en aphotismes, qu’ils se mocquẽt des mœurs
& des creances anciennes, & renoncent à toute pieté vers Dieu, & à
toute pitié vers les hommes. De ces deux especes de gens sont composez
tous ceux qui oppriment le Peuple, qui offusquent la Noblesse,
& qui scandalisent l’Eglise. On s’estonnera icy, & à bon droict, &
Image de la page