[retour à un affichage normal]

Mazarinade n° A_9_4

Image de la page

Anonyme [[s. d.]], MOYENS DES REQVESTES presentées à la Cour par Maistre Guy Ioly, Conseiller du Roy au Chastelet de Paris, pour raison de l’assassinat commis en sa personne le vnziéme Decembre, mil six cens quarante-neuf. , français, latinRéférence RIM : M0_2515. Cote locale : A_9_4.

pernicieux desseins des meschans, contre ceux
qu’il à pris en sa garde ; mais le rapport des Chirurgiens
doit leuer cette difficulté, puis que le Suppliant
s’estant leué & haussé le bras pour euiter le
coup, il se trouue necessairement en cette posture,
le bras estant tourné, que les blessures & l’ouuerture
du pourpoint se rapportent entierement.
 
Messieurs les Commissaires sçauent, ce que les
Chirurgiens de la Cour en dirent en leur presence,
lors de la leuée de l’appareil, qui veritablement
venoit d’estre leué pour la premiere fois,
par l’ordre des parens du Suppliant, & sans qu’il
en sceust rien, en presence de plus de cinquante
personnes d’honneur, mesmes d’aucuns de Messieurs
du Parlement, qui luy auoient fait la grace
de le venir visiter, & ce tant à cause que l’heure
assignée par Messieurs les Commissaires estoit
passée, & que d’ailleurs le sieur Menard Chirurgien,
auquel les parens du Suppliant auoient
beaucoup de confiance, tesmoignoit estre pressé
de s’en retourner : & pourtant cet appareil fut
releué vne seconde fois en presence desdits
sieurs Commissaires, ainsi que la Cour voit par
le rapport qui en a esté fait par les Chirurgiens,
qui asseurent que les blesseures ne peuuent auoir