Mazarinade n° C_6_37
Image de la page
Anonyme [1649], NOVVELLE EXTRAORDINAIRE, TOVCHANT L’ESTAT PRESENT DES AFFAIRES DV ROY de la Grand’Bretagne. AVEC DEVX HARANGVES ELOQUENTES & Zelées, sur le dessein de venger le meurtre du Roy defunt, & asseurer le Roy d’apresent dans ses Estats. L’vne prononcée par le Cheualier Richard Blaque de la part de l’Assemblée des trois Estats du party Catholique d’Irlande: Et l’autre par Monseigneur le Marquis d’Ormond, Vice-Roy du mesme Royaume. , françaisRéférence RIM : M0_2548. Cote locale : C_6_37.
Ces foibles acheminemens ne reçoiuent ny vie, ny perfection,
& auortoient comme vn embrion, peu de temps
apres qu’on les auoit conçeus : c’estoit des feux de paille
qui auoient plus de fumée que de chaleur, & plus de lueur
que de durée.
Mais la Paix que Dieu nous vient d’accorder par sa saincte
Grace, & à qui la bonté du Roy, & vos soins, MONSEIGNEVR,
ont serui de causes secondes si glorieuses &
si authentiques, sera vne paix stable & solide, qui ne trompera
ny nos joyes, ny nos esperances.
Ce sera vne paix qui sondera iusques au vif ces playes
mortelles, qui en fera sortir tout le venin, & en effacera
mesme les cicatrices. Elle comblera sans doute le plus sensible
& le plus feruent de nos desirs, en couronnant les efforts
que nous sommes resolus de tenter, pour en obtenir
l’accomplissement ; Ie veux dire qu’elle seruira d’eschelon
à sa Majesté pour remonter sur le Throsne, & contribuera
à le restablir dans ses droits & ses iustes prerogatiues.
Elle remettra ce Royaume dans son premier lustre, & luy
rendra l’abondance & la tranquillité : Elle enseuelira dans
vne confiãce par faite & reciproque & dans les resioüissances
vniuerselles toute sorte de soupçons, de craintes & de jalousies,
& fera que les membres de cette auguste Assemblée
(à qui les siecles futurs donneront le titre glorieux d’assemblée
pacifique) s’en retourneront chacun dans leurs Prouinces,
la branche d’oliue à la main, & dans la bouche les
paroles, qu’on addressa à nostre Sauueur à son entrée dans
la ville de Naïm, lors que par vn regard de sa compassion
Diuine, il eust redonné la Vie au Fils vnique d’vne mere, qui
accompagnoit ses obseques de larmes & de gemissements ;
ce sont des termes de reconnoissance & de rauissement,
lesquels se peuuent assez proprement adapter à l’estat present
de ce Royaume : Ecce Propheta magnus surrexit in nobis,
& quia Deus visitauit plebem suam.
Nous ne sçaurons assez benir le Ciel, MONSEIGNEVR, de ce qu’il vous a preserué, & conduit, pour ainsi dire,
de la main, à trauers vn Occean de dangers & de troubles,
Image de la page