[retour à un affichage normal]

Mazarinade n° A_6_44

Image de la page

Anonyme [1649], NOVVELLES APPORTEES AV ROY LOVIS XIII. DANS LES CHAMPS ELISEES, Et son entretien auec les Heros & les principaux Seigneurs de sa Cour, touchant la funeste guerre que Mazarin a allumée dans la France. Et la description des principales choses qui sont arriuees depuis l’enleuement du Roy, qui est tout l’Histoire du temps. , françaisRéférence RIM : M0_2555. Cote locale : A_6_44.

auec celuy d’Espagne, pour diuiser & faire entre-tuer ceux
qu’ils ne sçauroient iamais vaincre autrement.
 
Comme donc le genereux Gassion vouloit continuer son discours,
& qu’il auoit enuie d’entretenir le Roy des trahisons
du Mazarin qu’il auoit descouuertes estant dans le monde.
Comme dis-je, il voulut parler de la perte de Courtray, de
Landrecy & d’Armentieres, & de plusieurs autres places dont
il accusoit ouuertement ce meschant Ministre, & que mesme
il se voulut plaindre de ce qu’il auoit esté aduerty vn peu auparauant
sa mort, du mauuais & ingrat traittement qu’on luy
preparoit à la Cour s’il y fut venu ; L’on vit encore venir vn
Messager du costé de la porte, qui dit qu’il venoit d’apprendre
des nouuelles bien plus importantes que celles qu’on auoit apportées
à sa Maiesté : & qu’il y auoit plusieurs bons & mauuais
François qui auoient esté tuez prés de Bri-contre-Robert, qui
disoient qu’il estoit entré à Paris vn si grand conuoy, qu’on esperoit
que la Ville ne pourroit plus estre affammée : Mais ce
qui estoit bien plus admirable, c’est que deux ou trois d’entr’eux
qui estoient morts à Paris de leurs blesseures, disoient
qu’il estoit arriué vn Seigneur Espagnol, de la part de l’Archiduc
Leopold, auec vne Lettre de creance qu’il auoit donnée
à Messieurs du Parlement à qui elle s’adressoit ; Et pour
en mieux esclaircir vostre Maiesté, il m’en a donné la copie, &
de la harangue que ledit enuoyé, fit à Messieurs du Parlement. Lettre de Creance de l’Archiduc Leopold, enuoyée à
Nosseigneurs du Parlement de Paris.
MESSIEVRS,
Ie vous enuoye le Porteur de cette Lettre, qui vous dira de
ma part ce que ie luy ay enchargé : Et ainsi ie vous prie de luy