[retour à un affichage normal]

Mazarinade n° A_6_44

Image de la page

Anonyme [1649], NOVVELLES APPORTEES AV ROY LOVIS XIII. DANS LES CHAMPS ELISEES, Et son entretien auec les Heros & les principaux Seigneurs de sa Cour, touchant la funeste guerre que Mazarin a allumée dans la France. Et la description des principales choses qui sont arriuees depuis l’enleuement du Roy, qui est tout l’Histoire du temps. , françaisRéférence RIM : M0_2555. Cote locale : A_6_44.

par le moyen de cette Paix ; que neantmoins le Roy Catholique,
n’a pas estimé qu’il fut ny honneste ny seur, d’accepter
ces offres en cette saison, ayant iugé qu’il luy seroit honteux de
prendre cette occasion, & de contribuer à l’oppression d’vne si
Auguste Compagnie, & de la Ville capitale du Royaume ;
Que le Roy d’Espagne n’auoit pas creu non plus qu’il y eut seureté
de traiter auec vn homme condamné & declaré ennemy du
Roy & de l’Estat, par Arrest du Parlement, qui doit verifier
& enregistrer les Traitez de Paix, pour les rendre seurs & autentiques.
Mais comme le Roy d’Espagne ne veut tirer autres
auantages des occasions presentes, que d’vne Paix équitable &
ferme. Il l’a enuoye vers Messieurs du Parlement, qu’il sçait
estre attachez aux vrais interests du Roy & de l’Estat, & ou
residé principalement son autorité legitime, pour leur offrir d’estre
Arbitres de la Paix, & que volontiers sa Maiesté Carholique
se soumetra à leur Iugement ; que s’ils n’en veulent pas
estre les Iuges, il laisse à leur choix de deputer de leur Corps, en
tel lieu qu’ils voudront estire, mesme à Paris si bon leur semble,
ou le Roy d’Espagne enuoyera des Deputez, pour y traiter &
conclure vne Paix raisonnable, qui donnera repos & tranquilité
aux deux Couronnes. Auquel Traité sera aussi compris le
Duc de Lorraine, qui n’a pas voulu s’accommoder auec ledit
Cardinal, pour contribuer à l’oppression dudit Parlement & de
ladite Ville de Paris, mais est demeuré joint au party d’Espagne :
Cependant il a declaré qu’il y a dix-huit ou vingt mille hommes,
tant de Caualerie qu’Infanterie sur les Frontieres,
donnant parole qu’ils n’entreprendront rien sur les Terres du
Roy, ny sur les Places qui sont sur les Frontieres ; ce qu’ils
auroient peu facilement faire dans le mauuais estat ou elles
se trouuent : ny ayant aue deux cens hommes dans Peronne,