[retour à un affichage normal]

Mazarinade n° B_16_24

Image de la page

Anonyme [1652], OBSERVATIONS PIEVSES, SVR LA MORT DE LA MARESCHALE D’ANCRE. Faisant voir qu’elles sont les causes de la guerre: & les voyes qu’il faut tenir pour bien-tost arriuer à vne bonne & solide Paix. , françaisRéférence RIM : M0_2569. Cote locale : B_16_24.

cét estat en la Place de S. Iean en Greve, & monta
sur l’echaffaut, preparé pour son supplice, auec plus
de grace & de gayeté, qu’elle n’en auoit iamais fait
paroistre aux actions de la plus grande rejouyssance,
dans la Place que sa qualité & la faueur luy auoient
autresfois donné sur les marches du Throsne de la
Royauté ; elle presenta son col au gleue ; elle eust la
teste tranchée, son corps & teste furent bruslez & reduits
en cendres suiuant l’Arrest.
 
Mais, ho ! merueille de Dieu, apres que tout fust
fait & le feu entierement esteint, il arriua vn homme
lequel estant entré dans cette Place, s’arresta au lieu
du supplice, & releua vn os resté entier du corps de
ceste bonne creature, & sans se diuertir l’aporta auec
veneration iusqu’à la porte du Conuent des Carmes
Deschaussez, qui est en vne des extremitez du Fauxbourg
S. Germain, où estant arriué enuiron sur les
dix heures de la nuict : La porte luy ayant esté ouuerte,
il dit au Pere Portier qu’il auoit esté inspiré de
Dieu d’aller receüillir à la Place de Greve cét ossement,
resté du corps de la saincte Personne, qui y
auoit esté ce iour-la bruslé, lequel ossement suiuant
cette mesme inspiration il deposa entre les mains de
ce Pere, le chargeant de le remettre és mains de son
Superieur, & luy recommander de la part de Dieu
de le faire enterrer en leur Eglise, au lieu qu’ils iugeroient
estre le plus propre : mais cét homme ne tesmoigna
point vouloir parler au Pere Superieur, ny
declarer son nom, ny se faire connoistre par aucune
autre circonstance, sinon qu’il dit n’auoir point assisté
au supplice, n’en auoir ouy parler à personne, & que
c’estoit là, la seule affaire qu’il auoit à Paris, ce qui
fit croire à ce Pere que c’estoit vn esprit du Paradis,
reuestu de forme humaine.
Neantmoins ces bons Religieux tindrent cette
action fort secrette, ils n’en parlerent que par occasion