[retour à un affichage normal]

Mazarinade n° B_7_23

Image de la page

Anonyme [1651], OBSERVATIONS SVR VN DISCOVRS VENV DE COLOGNE. , françaisRéférence RIM : M0_2573. Cote locale : B_7_23.

moyens, comme il en a tres-humblement supplié la
Reyne diuerses fois, mais sans effet, qu’on fortifiast
la garnison de sa citadelle de deux mil hommes, laquelle
n’estant composée que de deux cens hommes
au plus, ne sçauroient chasser cinq cens Espagnols, qui
sont dans la ville, il a fait instance sur la proposition
que l’Archiduc faisoit de les en tirer, pourueu que la
seule ville de Stenay obseruast la neutralité auec la frontiere
voisine, qui eust esté vne disposition pour la paix
generale, parce que les peuples adoucis par la trefue
reprenne difficilement les armes aprés vne cessation
d’hostilités. Cette tréue acceptée n’eust fait aucun tort
au progrés des armes du Roy, dont on ne sçauroit imputer
qu’iniustemẽt le retardement à Mr le Prince, puis
que personne n’ignore que les Generaux & principaux
Officiers des deux armées sont on l’entiere dépendance
du Cardinal Mazarin, qu’ils ne desaduouënt
point qu’ils boiuent à sa santé à genoux, & qui font
professiõ ouuerte, & publient d’estre à luy ouuertemẽt
& contre tous, & qui en ont fait recẽment vn serment
solemnel aussi iniurieux à la fidelité que les François
doiuent à leur Souuerain, qu’il est suspect à tous ceux
qui ne sont point dévoüez à la Cabale Mazarine.
Monsieur le Prince n’a-t’il pas suiet de ne point permettre
que les Troupes sur lesquelles il a quelque pouuoir
aillent joindre vn corps d’armée si puissant, qu’on
fait monter à trente mil hommes qui demeure immobile,
& sans action contre les ennemis depuis deux