[retour à un affichage normal]

Mazarinade n° B_14_6

Image de la page

Anonyme [1652], PARIS EN DVEIL, REFLECHISSANT SVR SON Estat present, les perils ausquels elle a esté exposée, & les pertes qu’elle a faites la semaine derniere, & les dangers qui la menassent encor à l’aduenir. Foris interficit gladius & domi mors similis est. , français, latinRéférence RIM : M0_2693. Cote locale : B_14_6.

esclaue du Mazarin, ce cruel persecuteur de mes
sujets. Aux Saints tutelaire de ma Ville, mais n’a-ton
pas vainement, pour remedier aux maux qui
me pressent, porté leurs saintes Reliques en procession
par les ruës, & descendu la Chasse de
Sainte Geneuiefue, qu’on n’auoit iamais descenduë
sans miracle auparauant. Aux Celestes
intelligences, mais celles qui meuuent les Globes
Celestes font voir dans les aspects des Astres,
plusieurs dispositions qui semblent tendre à ma
ruine. A Dieu mesme, mais il est tout à fait irrité
contre mon peuple, & n’a t’on pas remarqué
que la veuë de son Sacré Corps, opposé dans la
place de Gréve, à la fureur des mutins, ne les
empeschoit pas de tirer cõtre mõ Hostel de ville, si
tost que le Prestre qui le portoit en toute veneration,
estoit passé, & que les feux allumés en
quatre endrois, contre les portes de cet Hotel,
n’en furent pas moins ardants. I’aurois peut-estre
reclamé la memoire & le genie de ce grand
Henry, sous le Regne duquel ie passay de si douces
années, affin qu’il prist le soin de conseruer
ce bel ouurage, dont il fut l’auteur, & qui porte
encore ces Augustes marques, si ie n’auois veu
son effigie inuiolable posée sur la grand’porte,
par vn presage funeste à ses successeurs, ou calsineé
par le feu, ou defigurée par le fer.
 
Quel Astre ennemy de mon bon-heur, influant