[retour à un affichage normal]

Mazarinade n° C_5_48

Image de la page

Anonyme [1649], HARANGVE DV DEPVTÉ DE LA VILLE DE LION, A NOSSEIGNEVRS DE PARLEMENT, ET A MONSIEVR LE PREVOST DES Marchands, & Escheuins de la ville de Paris. , françaisRéférence RIM : M0_1559. Cote locale : C_5_48.

puis que le Roy se porte bien, que les ennemis étrangers
n’ont rien profité de cette occasion, &
que tous les autres Parlemens, Villes & Gouuernemens
du Royaume sont tousiours vnis & conformes
à vos desseins ; Nous vous supplions de
n’attendre plus long-temps à resipiscence le Mazarin,
que s’il ne s’en veut pas retourner en Sicille
de son propre gré que vous deuez vser de contrainte,
& la force doit estre du costé de la Iustice :
nous sommes certains que vous n’auez pas besoin
d’armes ny des soldats, neantmoins nous vous offrons
dix mille caualiers payez & soldoyez : Et
nous auons mis sur le Loire quinze mille muids de
bled, dont nous vous faisons vn present, & le zele
que vous auez pour le bien commun des fauoris,
& vostre singuliere prudence nous fait esperer de
voir regner le siecle d’or, dont vous hastez le retour
par le fer & par l’argent que vous employe :
contre ce fauoris, de l’aueugle fortune, qui pou
ne meriter pas tant de bien, & des faueurs qu’il a
receu de la France, il ne sçait point en cognoistre
la valeur, ny en vser à son aduantage, si bien qu’il
merite d’en estre despoüillé : C’est ce que nous
souhaittons pour l’honneur de la France, la gloire
du Roy & repos de son peuple, & le bien du public.
 

FIN.