[retour à un affichage normal]

Mazarinade n° B_12_14

Image de la page

Anonyme [1652], RELATION EXTRA-ORDINAIRE Contenant, tout ce qui s’est fait & passé a la prise du bagage du Cardinal Mazarin, proche le Chasteau Thierry, par Monseigneur le Cheualier de Guise. Auec le nombre des morts & des blessez, & de ceux qui ont esté faits prisonniers. , françaisRéférence RIM : M1_201. Cote locale : B_12_14.

fit iuger à plusieurs de sa trouppe, qu’il n’auoit
pas enuie de se retirer au lieu de son exil. Vn
Gentil-homme peu affectionné à son seruice,
fit sçauoir cecy par vne Lettre de Cachet, au
sieur de Guise, luy mandant vous n’auez que
faire de nous attandre, puisque nous ne passons
guere plus outre que Chasteau Thierry,
afin de trauerser vne partie de Champagne &
Bourgogne, pour nous ietter dans le Berry, afin
de prendre Mouson, que nous croyons
estre aux abbois ; Et de là, nous retournerions
en Cour : C’est pourquoy ie croy que nostre
party est meilleur que le vostre, quoy que ie
ne l’ayme guere. Ces paroles firent ouurir les
oreilles au sieur de Guise, lequel communiqua
cette Lettre aux Officiers de ce party, qui pouuoit
estre composé que de six à sept cens cheuaux,
lesquels ne manquerent de se mettre en
embuscade, enuirõ vne lieuë de Chasteau Thierry
dans vn petit bois qui costoye la Riuiere
de Marne, appellé le bois de Morizet : Là ils
attendirent de pied ferme les trouppes Mazarines,
qui estoient composées de mille cheuaux
sans son train ordinaire, lesquels ne sçauoient
pas qu’il y eut la des gens pour les Princes.
Ils auancerent sans crainte & sans se donner de