Mazarinade n° A_8_70
Image de la page
Anonyme [1649], RELATION GENERALE ET VERITABLE DE TOVT CE QVI C’EST fait au Procez du Roy de la Grand’Bretagne. SON ARREST, ET LA MANIERE
de son Execution. Auec la Harangue faite par Sadite Majesté sur l’Eschaffaut. TRADVIT D’ANGLOIS EN FRANCOIS, par I. Ango Interprete de ladite langue, sur l’imprimé à Londres, par François Coles. , français, latinRéférence RIM : M0_3174. Cote locale : A_8_70.
que le Roy voyant que son Arrest de mort estoit prononcé,
& que son execution estoit prochaine, il pleust à la Chambre de
luy permettre de voir ses enfans, & qu’il peust auoir le bien de cõmunier
& se preparer à la mort, & pour cét effet demanda le sieur
Iuxson cy-deuant Euesque de Londres, auec permission de pouuoir
conuerser priuément auec luy en sa chambre, ce que la Chambre
luy octroya.
Le Roy
a deux
fils &
vne fille
entre les
mains
du Parlement,
Ce iour le Roy logea à Vvhitehall, & le lendemain qui estoit Dimanche,
le sieur Iuxson prescha deuant S. M. en son logis priué.
Relation veritable de la mort du Roy de la Grand Bretagne :
auec la Harangue faicte par S. M. sur l’eschaffaut, immediatement
auant son execution.
LE neufiesme iour de Ianuier sur les dix heures du matin le Roy
fut conduit de S. Iames à pied par dedans le Parc, au milieu
d’vn Regiment d’Infanterie, Tambour battant, & Enseignes déployées,
auec sa garde ordinaire, armée de pertuisanes, quelques-vns
de ses Gentils-hommes deuãt & apres luy la teste nuë. Le sieur
Iuxson Docteur en Theologie, cy deuant Euesque de Londres, le
suiuoit, & le Colonel Thomlinson, qui auoit la charge de S. M. parlant
à luy la teste nuë depuis ledit Parc de saint Iames, au trauers de
la galerie de Vvhitehall, iusques en la chambre de son cabinet, où il
couchoit ordinairement, & faisoit ses prieres ; où estant arriué, il refusa
de disner, pour autant que (ayant cõmunié enuiron vne heure
auparauant)il auoit beu en suitte vn verre de vin, & mangé vn morceau
de pain.
Le Roy
auoit
demãdé le
cabinet
& la petite
chãbre
prochaine.
C’estoit
proche
ou en ce
lieu là
mesme
que le
premier
sang de
cette
derniere
guerre
fut espandu,
où il fut
tué vn
Bourgeois,&
30. bles.
De là il fut accompagné par ledit sieur Iuxson, le Colonel Thomlison,
& quelques autres Officiers qui auoient charge de le suiure,
& de sa garde du Corps, enuirõné de Mousquetaires depuis la Salle
à banqueter, joignant laquelle l’Eschaffaut estoit dressé, tendu de
deüil, auec la hache & le chouquet au milieu : Plusieurs compagnies
de caualerie & d’infanterie estoient rangées aux deux costez de
l’Eschaffaut, auec cõfusion de peuple pour voir ce spectacle. Le Roy
estant monté sur l’Eschaffaut, jetta les yeux attentiuement sur la
hache & le chouquet, & demanda au Colonel Haker, s’il n’y en
auoit point de plus haut, puis parla comme il s’ensuit, adressant ses
paroles particulierement au Colonel Thomlinson.
Image de la page