[retour à un affichage normal]

Mazarinade n° B_15_45

Image de la page

Anonyme [1652], RELATION VERITABLE DE CE QVI S’EST PASSÉ A PONTOISE En la Reception des six Corps des Marchands. Ensemble leurs Harangues, & ce qui leur a esté respondu par le Roy & la Reyne. , françaisRéférence RIM : M0_3218. Cote locale : B_15_45.

leur fidelité, & tres rauy de les voir, que ce n’estoit
pas luy qui estoit cause de tant de desordres,
& qu’il estoit aussi bien qu’elle, tres-fasché de ce
qu’ils auoient tant souffert, & de ce qu’ils souffroient
tant encore : A quoy fut respondu qu’il
n’y auoit que la seule absence du Roy qui faisoit
souffrir Paris, & que sa seule presence estoit capable
d’en guerir tous les maux, que cinquante
mille, voire cent mille hommes, ne respiroient
autre chose, & que si sa majesté laissoit eschapper
ceste occasion, on ne pourroit pas sçauoir ce
que ces gens là pourroient deuenir, que sa Majesté
estoit derechef tres-humblement suppliée
de mettre ordre à ces desordres ; d’honorer Paris
de sa presence, & d’y apporter la paix.
 
Là, le sieur Perichon aussi l’vn des Gardes des
Marchands Merciers, & l’vn des Maistres de
l’Hostel-Dieu de Paris prit la parole, representa
au Roy la misere publique que le depeuplement
de la campagne, & la ruine des Fermiers & des
Laboureurs, auec le peu que l’on auoit receu au
bureau de la recepte generalle de l’Hostel Dieu
estoit cause que l’on ne pouuoit plus entretenir
aucuns pauures, bien loin d’en substanter trois
mille que l’on estoit prest de renuoyer, & de
mettre sur le carreau, n’y ayant en l’Hostel-Dieu