[retour à un affichage normal]

Mazarinade n° A_8_18

Image de la page

Anonyme [1649], RELATION VERITABLE, DE CE QVI S’EST PASSÉ en la deffaite des trouppes de Prouence. Par le Regiment de Caualerie de S. André Monbrun, commandé par le Sieur de Ville-franche, Mareschal de Camp. , françaisRéférence RIM : M0_3227. Cote locale : A_8_18.

leur logement, eurent ordre de se rendre à Brignolles, suiuant
le desir qu’auoient tesmoigné les habitans qui font
paroistre en cette action la fidellité honteuse en leur ville.
 
Le Lundy 14. dudit mois, le Regiment disnant entre
Vigo & d’autre, pour marcher, les Gardes dudit Regiment,
estoient posées du costé de Barjaux, ayant veu deffiler
les Trouppes des Rebelles, de la Colline qui n’est
qu’a cinq cens pas du Val, donnerent à l’instant l’alarme,
& à ce bruit le sieur de Ville-franche estant monté à cheual
auec cent Caualiers qui se trouuerent plus prest de
luy, il est sorty derriere du quartier, du costé d’où il auoit
eu l’alarme, qui estoit le seul ou il se pouuoit ranger en
bataille, le reste du Regiment s’estant venu ioindre au
corps à la file, & comme les courreurs des ennemis s’estoient
aduancez, le sieur de Fontauelly Lieutenant qui
commandoit ladite Garde, secondée du sieur Tartaron
Cornette, luy loisir en combattant de se mettre en
bataille, ce qu’il fit promptement, assisté des sieurs Baron
des Ades, Capitaine, qui commande ledit Regiment de
Rochemont Lieutenant de la Maistre de Camp, & de
S. Fons aussi Lieutenant ; & a esté dudit Regiment formé
trois escadrons sur vne mesme ligne, auec vne diligence
digne du sieur de Ville Franche, & de ses autres Officiers ;
& d’autant plus necessaire qu’il voyoit les ennemis en
faire de mesme de l’autre costé de la plaine, & prenoit
leur poste derriere vn fossé, y ayant desia vn grand escadron
formé sur l’aisle gauche de 120. Maistres, & sur l’aisle
droite vn bataillon de 500. hommes, & aperçeuoit autant
de mon de descendant de la dite coline, pour se ioindre à
ceux-cy, & à la teste de trente coureurs ; & comme lesdites